Notebook (1)

呢兩日都係煩緊點攪部電腦...再試過開機...希望有奇蹟出現啦...結果係...連RAM都數唔到...可以say goodbye~~

em...諗左兩日...都係決定買notebook...
kenji...你推個部 IBM X60 都成皮野架，雖然你話好抵...但係我覺得好貴law... 對我黎講...
1st Key factor: Price
講到平... 非 Dell 莫熟！先唔理部notebook有咩餡，唔使$5000 就有交易la...個價錢就已經令人好振奮~~

other factors: Weight
愈輕就緊係愈好la...雖然部notebook好多時都會放o係屋企...之但係都有機會拎出街的...可能我會帶住佢去流浪呢(-_-)，要我拿住幾kg重周圍去就唔好啦...

other factors: Style
一個字：型！型人(-_-)用的野就更係要型啦...所以 Mac book 都可以諗諗...Apple...cool~~

聽日可能去踢波(唔落雨的話)...踢完波再去搵notebook...所以依家訓覺先~明天再續。


端午金多寶 (又冇我份)

仲諗住叫馬會送部 notebook 比我添...頭獎一注中...派 HK$31,921,625 ...可惜唔係我收錢...

Ending of Dangerous & Beauty

睇完《危險大家姐》...都幾好睇丫...
幾鍾意寛子呢類角色...鍾意佢天真、樂觀、勇往直前的性格~~
...加上伊東真係好靚~~

佢老豆雖然生意失敗，但講左番說話幾有意思︰『我寧願盡力去嘗試但失敗...總好過得個講字、唔實行的，因為咁樣更失敗......即使失敗咗，起碼我都唔會後悔自己做過的事！』


今期東touch (30May2006) ，覺得幾型，所以post 上黎。呢度會愈黎愈多生活照，hehe ^v^

我鍾意睇東touch...冇得解~

PC down

好慘呀，部PC無啦啦死咗...個情況係每20分鐘hang機一次...可以報銷...
依家諗到有三個方案︰
1. 買部新notebook...最想...但最貴... >$10,000
2. 買CPU, 底板 & RAM...平好多...~$3,000...但係要換的話，我想換notebook多d...
3. 搵讀緊U的朋友買notebook...價錢合理...但要等到9月...
唉...好難揀。

米米尋日問，點解想去流浪？我諗每個人都有d野想自己一個人做的...禁岩依家有機會...go ahead~~

不過之前都諗到一個幾重要的問題...就係季節la...
我本身諗住夏天或者秋天去的，但10月係威哥的大日子，一定要出席的。
咁依家應該要冬天先出發...都唔係唔好的...係行季多d啫...哈
許生提議的澳洲都幾好﹐因為香港冬天時應該係佢的夏天。

算啦...睇多d資料再諗！

Old friends gathering

好似好耐都冇同你班友仔一齊食飯la...好開心...

米米，多謝曬！
Roger，你的推理能力依然咁好，勁！仲有，新屋好靚~
許生，呢個世界真係好唔公平，富者愈富...
JWong，你唔好成日扮勤力...日日睇電視扮溫書...
威哥，幾個月之後，你唔會適合流浪的...同埋你下次唔好再同米米出奸...奸霸...哈哈！

好可惜Roger你唔得閒，此終少左一個感覺硬係掙d...上次我地去歡樂谷都算係一齊去旅行(有cheap呢加人工請食肯德基，仲係用COUPON添)，不過同埋女友一齊去，感覺唔同o既；真係想去一次"六仔"旅行團...如果今次去唔成，就唔會再有機會啦... >_<

搵番一張以前放係書枱前面的相(住hall的時候)，哈哈，好攪笑...唔記得個次做咩gathering(好似慶祝JWong生日)﹐但係仲記得JWong濕咗一撻...希望相入面的人唔介意我post呢張相...因為我地依家型好多好多，哈哈 (可惜冇米米份)


因為冇scanner，所以用dc翻影的...質素係差少少。

Misaki Ito

happy friday 冇街去，留係屋企"hae"
依家煲緊日劇...哈哈...

因為近排迷上左伊東美咲...繼《電車男》之後，依家睇緊《危險大家姐》...伊東好靚呀！！


其實我都好鍾意木村拓栽...常盤貴子...依家就幾鍾意 竹內結子 & 伊東美咲...哈哈...我都唔係特別鍾意日劇...只係鍾意睇故仔...當然主角型d靚d就梗係會吸引d啦...

Again and again

平凡的人，平凡的一天，生活只係得工作...
Jerry(Feel100%男主角)講過，做平凡人冇問題，千祈唔好做平庸的人


Henry問︰點解呢個世界有咁多蠢人...我話︰因為咁樣先顯得我地醒目...haha

No Title

今日只有...
起身...搭車返工...breakfast@office..工作...lunch@office...工作...dinner@office...工作...搭車返屋企...瞓覺。

好眼瞓...再見

No Title

收到報稅表...開心─夠資格交稅；唔開心─要俾錢。

近排我的ipod常播的...

《Perfect Match》
鬥苦 (許志安 + 鄧健泓)
自由女神 (汪明荃 + 陳慧琳)
再見亦是戀人 (孫耀威 + 車婉婉)
只談風月 (鄧建明 + 黃貫中 + 雷有輝) ◎推推推，正！
九週半 (劉浩龍 + 胡蓓蔚)
你是最好的 (陳小春 + Marie Haddad (夏曉晴))
天下太平 (張學友 + 陳奕迅)
交換生 (林苑 + 郭芯其) ◎唱得好甜，推！

No Title

工作，工作，不停咁做...今日比"旅發局"激死，班友仔好煩，明明係自已d機有問題，又怪我地做得唔夠好...wholly shit ！！！ 我發曬嘮叨呀，仲吹水話就要炸死o個班人，一係就放d 咸相去佢地個web site 到...最慘的係等我打電話去同佢地傾計時又要扮好聲好氣...真係人都癲呀！

自從有左呢度後，就好想放假...(好想偷懶，好想去旅行)...再遲d...肯定咩熱情都冇曬啦...

岩岩返到屋企，沖過涼，訓覺起身又返工......

今日奇景︰大時代 ！！！(好想翻睇丁蟹)

Where to go (1)

今日落大雨，係屋企"hae"咗成日...

冇呀，坐係部電腦面前，無無聊聊咁...
見唔見右上角有個 ? 睇下人地d blogs...有d都好得意架，我諗緊有冇可能會有意外驚喜...例如o個個人我係識的...或者識到其他人都係去左流浪呢...haha

見咁得閒，不如講下我呢次流浪會去邊啦...

如無意外，今次主要的目的地應該係歐洲 (希望遲d euro 平d啦，依家好貴) 點解？因為未去過law...同埋我第一次去流浪嘛...感覺上安全d

Europe 咁大，會去邊呢？講真，仲未認真諗過喎...haha，不過有兩個地方我係好想去的...

一個係意大利...熟悉我的朋友一定知點解的...梗係因為R.Baggio啦...如果可以的話，真係想o係佢掛靴之前去，不過依家都仲好想去...如果比我見到佢...就真係三生有幸la...由1990年鍾意佢到依家...(雖然佢2004年掛靴) ...依家玩winning仲好想用到佢... 佢當然好波...不過，我更加鍾意佢對國家隊的執著...我會覺得呢個係佢的信念，佢付出左佢的一生(足球生捱)去追趕呢個目標...遇到咩挫折都能夠勇往直前...好感動...勁呀！！！

哈，另一個地方係英國的曼徹斯特。唔使問，當然係為咗 Man Utd 啦，作為曼聯迷，一定要去一次奧脫褔，七萬幾人一齊睇波，幾有氣勢呀！

都唔係咩都關足球事既...下次再講；我會去搵下料資架la。

朋友"仔"，今日應該係你的生日，見你咁好第一個簽名，係度祝你生日快樂la!

Tusedays with Morrie

After Champions League

哈，見到呢張相，都有少少可憐Henry...

我咁唔鍾意你，除左因為你係阿記人，仲因為你入完波之後個樣大串，一d笑容都冇，好似奉旨咁款...=P

tuesdays with Morrie 岩岩睇完，係一本唔錯的書。 Coach，我並唔係一個好學生，我仍然要追尋物質的生活...不過我的想法應該有少少改變的。
True about love and marriage: If you dont respect the other person, you're gonne have a lof of toruble. If you dont know how to compromise, you're gonna have a lot of trouble. If you cant talk openly about what goes on between you, you're gonna have a lof of trouble. And if you dont have a common set of values in life, you're gonna have a lof of trouble. Your values must be alike

今朝見到樓下有人post commets...haha...開心左一陣...後尾發覺佢係個italian...應該唔識睇中文的...路過居多...>_<

Depressed

唉...我今日好失敗呀...

我今日去個client度開會 (自己一個)，主要係講解下份functional spec，同埋client會介紹位新同事比我識...開頭都諗住冇咩特別...點知一見到...原來係個forigen speaker...心裡立刻暗叫不妙...本來我都唔怕講英文(唔怕唔代表講得好)...不過事前冇準備，真係有d緊張 (雖然就算事先知道都唔會準備d咩)

一開始...條脷已經打曬結(自己都唔知自己講緊咩)...好彩個client自己都解釋得到...個情況先至好dd...唉...好失敗！

我自問以前就算冇準備都唔應該表現得咁差，但今次真係好失敗law...好多野都諗唔起點講...我走咗之後...真係有d衝動想參加什麼英國文化協會...

依家諗番起，一定可以講得更加好...


講番個forigen speaker，係個女仔黎架，都幾ok，好nice tim ^_^
第一眼覺得佢係個Amreican，有d似 Scarlett Johansson，之後o係個email度知道佢叫 Saskia van der Stap ，所以我諗佢係雲佬的同鄉。

client介紹佢個名幾次，我都唔識讀...淨係識微笑過骨...好低能law...

No Title

好眼瞓呀...成日都冇精神... (-_-) zzZzzZ


尋晚"珍珠"已經同香港講byebye，冇機會放假tim...
不過呢，今朝見到維港個view好清呀，颱風過後，維港冇曬煙霞，個天好清好靚...如果有相機，一定要影低佢


瞓覺la...係咁先...byebye

Champions League

YEAH!!!YEAH!!!YEAH!!! Congratulation to Barcelona!!!

巴塞隆那2-1 嬴咗阿仙奴，勁呀！雖然依家都成 5 a.m. (好鬼眼訓)，但係值得的。

(睇波時的心情)
巴塞入球無效，列文紅牌被趕離場 (小小興奮，小小可惜)
蘇金寶頂入，阿仙奴領先1-0 (惡夢...shit)
阿仙奴龜縮戰術 (勁火滾，真係要鬧爆佢)
拿臣入替 (有希望)
伊度奧追平 (勁開心)
巴列提射入反超前 (興奮到彈起 la)

正呀！

如果比阿記嬴咗歐聯，我一定會成個月都好唔開心law...我實左太唔鍾意阿仙奴，因為我鍾意曼聯。

我要去瞓覺la...3 個鐘之後又要返工...

1st Preparation

一諗到去流浪﹐第一樣想到要預備的係"身體健康"...好奇怪，哈哈

所以由尋日開始，我迫自己每日都落街跑步，做掌上壓同sit up

尋日落街跑步算係第二次，第一次我諗都成廿年前。
我記得細細個的時候(~7、8歲左右)，o個時仲住係山景村，有一晚老豆話帶我同細佬落街玩，之後竟然去左附近的公園(楊小坑)跑步。老豆好少同我地去街玩，所以都好開心，依家諗起就好攪笑。
依家掛緊一號風球，所以今日偷懶......

不過，我都有做掌上壓同sit up。
中學的時候，我都有練掌上壓架，因為我覺得自己太瘦，著tee唔好睇(大隻d好，可以懶有型)...最叻的時候都可以一次過做50下...依家做20下都覺得好辛苦...肥咗又弱咗...v_v

繼續努力~~


... 好想聽日掛8號風球...好多野做...好想放假...

At the beginning...

終於create左自己的blog！

點解？都唔係話想人有我有的；其實我想記低自己的生活，等老左的時候可以笑下咁啫。
事實上，我係中學的時候都整過自己的homepage，將自己的"日記"擺上網...個時都堅持左兩個月架...yr 2 的時候都有寫日記，仲堅持左整整一年添呀...

不過，今次仲有一個很重要的原因。
我計畫下年一個人去旅行(流浪)，會由呢一刻開始預備。
當然，依家最主要係儲錢...

我係白羊座的...最叻的就係"三分鐘熱度"...為左提醒自己，所以想每日都做d野...

所以呢，我個blog的title係 "on the road"...本來o係巴士時諗到用 "一個人在途上"，不過返到屋企用Google search 到有人用左...同埋個名太"文學"、太孤獨...都唔係咁適合，所以最係唔要 "一個人"...

haha，let's go~~