Quarter-final

World Cup 又開波la，今晚上貓仔屋睇，打攪曬~~


好慘，攞唔到軟硬Long time no see呀！！！仲大安指意諗住許生攞到，連電話都冇打...希望加埸買到la...sorry ar，YVONNE，累妳睇唔到添 >___<

sing K

好耐都冇唱過K...哈哈。

返到屋企，牙都冇刷，攤左o係地訓到今朝...

No World Cup Tonight

尋晚睇埋西班牙，訓得o個3粒鐘...今朝搭962，都唔知做咩鬼...有一班師奶上左車，坐係上層後面，幾個一堆不停講不停講。嘩！！嘈到訓唔到，有幾個西裝友頂唔順...閃落下層...認真唔好彩...


由9號到依家，終於第一晚冇World Cup 睇，『World Cup 症候群』又發作...得番8埸，星期五再繼續...

工作依然纏身...

Spain vs France

西班牙輸1-3...我最討厭的法國佬竟然出線，頂！俾佢地負負碌碌入左第二球...唉，激死我呀...亨利又係度扮野...shit!!!

不過，西班牙踢得唔好...出唔到線都應該的。

Brazil vs Ghana

輕輕鬆鬆嬴3-0，但我覺得加納踢得幾好(但把握力弱)，最唔抵係輸第二球...明明越位都判入...可惜...

Switzerland vs Ukraine

120分鐘0比0...有12碼睇...瑞士竟然射3球炒3 球...送比烏克蘭出線...

Italy vs Australia

都唔係太好睇，意大利打少個...死守...澳洲又唔攻，諗住有第一埸互射12碼分勝負睇添...估唔到臨尾球証送個12碼比意大利，真係靠12碼分勝負...就咁比托迪(羅馬"插水"王子)射入...1比0完埸。

我幾鍾意 Pirlo~~ 意大利人中最好波！

Portugal vs Holland

兩隊都冇咩體育精神...4張紅牌 16張黃牌...C.Ronaldo俾人踢傷...好慘...最慘係J.Wong，佢的愛隊荷蘭輸 0比1...出局。

不過荷蘭自己衰...個個球員都太獨...抵輸。

England vs Ecuador

少少悶啦，不過都預左英格蘭係咁...最後都係要靠Beckham小勝1比0

Beckham好波~~

Sunday...

基本上，今日都係o係屋企hae吓，訓吓咁law...冇咩特別...

由呢個blog的第一個post開始，好似好多時每日唔係返工，就係hae/sleep...有時真係唔知寫咩好...哈哈，唔係話平凡唔好，但係總覺得欠缺d驚喜...所以依家好期待去旅行...

Prague, Florence, Barcelona, Manchester 呢幾個城市係最想去既...再加埋Geneva, Paris, Berlin, Vienna, Amsterdam, Landon, etc...其實我都唔識點plan，對我黎講，最好就係去到先算...哈哈

聽日，又要返工la...

View from my room

係我間房影番張先。

View from office

見咁好天，無無聊聊影的。

World Cup Syndrome

好可惜，南韓就咁就出局...咁樣俾法國佬出線，真係唔抵...

話咁快就踢曬24埸分組賽，仲剩翻16埸，已經有少少失落的感覺...除左有失落feel，仲有好強烈的眼訓feel。我已經患上咗輕微的『World Cup 症候群』...初期病徵係經常諗住world cup，輕微喝睡，病情會隨住16強賽事的精彩情度而惡化...哈哈

Day off

尋晚睇波睇到5點幾，請左假，"應該"唔使返工。本來都好爽架，可以訓到幾點都得，但係今朝10:30已經起身...做乜？咪返工羅...個人冇錯留係屋企，但要remote返公司部PC做野，請左假等於冇請咁濟...唯一唔同的係少d電話，少d人煩...

我絕對唔係工作狂，但有d野未搞掂的話就唔好feel咁law...放假都放得冇咁爽...其實我勁鍾意hae，快d放假就好啦...

我要放大假！！！

Netherlands vs Argentina

悶、悶、悶，超級悶戰...難得我咁多日都冇睇波，一黎就整場咁悶的...真係慘~~

又偷懶 ...

Football Match

尋日去左踢波，連有朗尼的英格蘭都冇睇，好眼訓。

偷懶，冇出post...

Train & Snapshot...

尋日開會，返到公司，淨係想訓，個腦都唔願轉...(-__-) zzZ..zzZ..真係好眼訓...

終於等到放工(18:40閃人，"正常"放18:30，平時都起碼19:00先走)；落CWB配con，因為今晚會踢波；搭電車(我幾鍾意搭電車，感覺好過癮；人少的時候都幾舒服，感覺好休閒添)，咁好彩樓上車頭有位，見冇人坐，即刻坐落去"烚"陣先。突然間，好想掙大眼望一望...一睇，竟然有兩個人攞住部DC向住我個方向影...原來係兩個鬼妹...咁岩我架電車追到前面架電車...就咁俾人影左睡眼惺忪個樣...哈哈，如果俾我睇到張相就攪笑...核突死 >_<

返到屋企，食飽飯就訓到今朝...仲未夠law。

2006-06-18 (SUN)

星期日都要做野，仲要通頂添...冇計，因為星期一開會要交貨...所以連post都冇出...World Cup更加冇睇la

International Travel Expo

今朝十萬個唔願意起身(其實世界盃期間日日都唔願起身)，但係都要起身返工，好多野未搞掂...

放工之後去左香港國際旅遊展；一入到會埸，見到幾個日本的booth幾靚，諗住入場個$20蚊一定物超所值啦...行左個圈先發覺其實冇咩野睇...每個booth都係放左d booklet同catalog 任你攞，對我黎講，比較好的係攞左Barcelona、London的地圖同埋一些簡介；之後順便join埋YHA，慳番$10

睇番原都攞左好多無聊o既野...

返屋企訓番覺好的，今晚3點睇睇意大利踢成點；好懷念有巴治奧的意大利~~


roger，恭喜你~~ 不過你著制服的look同我認識的你唔多親，哈哈~~

World Cup

尋晚同同事去加州紅睇波；阿根廷對塞黑，雖然阿根廷嬴6比0，但個埸的氣氛完全唔掂，浪費...之後再落bar睇，氣氛就好好多啦，起碼可以同啤妹傾下計丫，冇咁齋麻；所以呢K房都係用黎唱K好d，睇波就咪遇我la...

最攪笑係我地四個麻luck仔，係間bar度咁岩遇著四位"中女"...，仲比佢度"獠"添呀，佢地其中一個同其他的講︰「呢度真係冇介紹錯~~」...嘩，證明我地(Paul+Sam+Ronald+我)幾有魅力~~

叫杯Guinness，正~~

Late Birthday Gift

哈哈，今日仲收到生日禮物~~ 多謝曬~~

仲未好慣...有幾次仲想拖住妳行添...哈...
最後，聽到妳話有男朋友，真係估唔到呢！可惜我唔知佢咩樣 (但竟然俾JWong見過)...靚仔過我都有機o既，但我諗佢冇都可能有型得過我啦， cool~~


BTW，份禮物好似戴唔落...腰太粗... -_-

World Cup

呢個月都係咁，日日都係world cup~~ 可惜呢幾日都勁多野做，心情唔多enjoy...

Busy and Sleepy

好眼訓...

今朝又要開會，個client又唔friendly，好黑人憎...
今日多野做到爆...連南韓對多哥都冇時間睇...岩岩返到屋企，依家又倦又眼訓...今晚3點有巴西...但我真係好眼訓...唔知點好...

Yesterdaty

尋晚入左元朗睇波，飲多左兩杯...返到屋企好鬼眼訓，所以冇post...

Sunday

起身la...都唔係訓左好耐，因為要起身開工...(又係CLP)...

尋晚同阿sam講，不如世界盃期間去佢屋住番一頭半個月；佢一個人住，睇波的時候可以大聲嗌，唔怕嘈親屋企人，又有人晚晚陪自己睇波，幾好呀~~ 雖然佢都話冇所謂，但諗真d，始終都唔係咁方便既。我諗一兩晚都ok的，晚晚係咁就唔好la，所以呢，分組賽就留係屋企睇先，十六強開始過去睇，應該會幾過癮~~希望你歡迎我la...哈哈。

搞掂CLP，落街剪頭髮；等左好耐，先輪到我...都係好似以前咁，剪短d剪碎d，冇咩特別。本來想影番張相放係度，但天氣唔好(陰天有微兩)，影得唔靚，留番下次先la~~

World Cup Overnight

依家係阿sam屋企睇波，直落3場，由夜晚9點睇到淩晨5點...
英格蘭對巴拉圭 (21:00 - 23:00)
瑞典對千里達 (00:00-02:00)
阿根廷對科特迪瓦 (03:00-05:00)

都盡量少食零食，少飲汽水...不過都食左個杯麵做宵夜...今日只不過係第2日，唔可以去得太盡。依家好眼訓...希望阿根廷打得好睇d啦...

頭先瑞典打得幾好睇，但係1球都入唔到，同佢地一齊買曬2,3,4,5比0波膽...點不知 0比0...輸曬... >.<

World Cup begins

Yeah!Yeah!Yeah!!!開波啦，開波啦~~

今日黑色暴兩警告都竟然要返工，因為返咗公司先黎黑雨...要留係安全的地方嘛。黑兩加埋世界盃效應，今日完全冇心機做野law。

自己冇話捧邊隊...比較偏好英格蘭同荷蘭，哈哈，最緊要精彩~~

睇波la~~

Blogger.com

呢幾日呢度的loading speed 好似好慢咁...成日都入唔到黎打post...再係咁，可能要搵番個local blog用...>.<

我記得我起呢個blog之前，都搵左好幾個hosting...最後都係揀左呢度。點解？因為呢度都算係google的product law...我自己都幾鍾意用google的service...我個google mail係 mr.chan.ray@google.com，哈哈，係咪好型呢~~

比較過msn、yahoo、xanga、仲有其他的blog hosting service provider...最後都係揀番呢到。雖然呢度唔算好user friendly，又冇咩特別的function同support，又唔多香港人用...但我就係鍾意佢夠simple，雖然simple，但其實個layout自由度可以好大，你識的話咩都可以切到出黎；另一樣好最重要的係...呢度冇廣告！冇廣告先可以keep番自己的style (雖然呢度暫時未有，哈)

如果唔係load唔到，我都唔想搬...應該唔會搬，忍下先。

Notebook (3) - Final

終於收到部notebook啦，正呀！ 足足等左10日，由 PC Down 到呢個 post...

收到個下都幾興奮呀！有新野用，梗係開心啦；不過，睇到月結單應該會幾肉赤...

正體上都唔錯...雖然只係用咗幾個鐘...哈哈，但都不失為一部好notebook；唯一的唔滿意都係重量law，羅上手都覺得重...

個mon好大，比預期中大...係boardway睇其他14.1吋的model都冇咁大，可以的話13.3吋或者12.1吋都已經夠，但係呢個價錢Dell冇...咁大部都唔係唔好的，keyborad大d，打字都爽d~~


6月15-18 「第二十屆香港國際旅遊展」，應該會去望下~~

Lonely Planet

o係公司...悶悶地睇下旅行的資料。

http://www.lonelyplanet.com/ 呢個幾好，都係roger同許生推的~
裡面每個地方都有個 section 叫 When To Go...

Italy - Italy is at its best in spring (April-May) and autumn (October-November)...

England - ...The least hospitable months for visitors are November to February - it's cold and the days are short...

England (Manchester) - ...November-February is grim, cold and dark, and best left to its own devices.

Gerneral comments of other countries - Winter - cold, cold, extremely cold...哈哈...攪到我有d猶疑添...

Long time no see

好似好耐冇見la...(事實上真係好耐la...) 妳感覺上變左呢...(哈哈，我仲諗妳可能會靚左好多添，依家好似肥左...講笑) 我覺得妳見到我好似有d陌生...可能仲未習慣吧...

好野，今朝收到dell的電話...佢話星期三送貨~~ yeah!!!等左好耐la...星期三請半日假，早d返屋企等部機送黎。

Sleeping Sunday

差唔多訓左成日...好懶呀...都有執下野既，但係訓左成個下午law~
(-_-)zzZzzZ

阿媽去左探阿公阿婆，所以今晚要食自己。等老豆返黎同細佬一齊落街食飯，三仔爺叫左五餸一湯，落完order都知叫多左餸...埋單要成四百幾蚊...我心諗一定會比阿媽鬧(佢返黎的時候真係即刻問，都話左兩句...哈哈) 不過呢，老豆就係咁，夠豪氣。對佢黎講，最緊要鍾意，多多錢都冇所謂。所以街市賣野的見到佢就最開心(尤其是賣海鮮的)，奉旨唔講價。老豆雖然脾氣唔好，但都不失為一個好爸爸，所以我好尊敬佢！老豆，雖然你唔鍾意，但你最好陪阿媽去下旅行，我知阿媽好想去旅行，如果你肯陪阿媽去就好la...我都知迫你係冇用，希望你自己醒醒目目啦...(可惜你唔識上網...睇唔到我點話你，哈哈！)

Where to go (2)

放咗工一個人去行街，最主要去左商務同page one搵書。

睇左幾本旅遊書，講的野都差唔多...(唔該許生同roger，本《西歐遊》都幾好~ 買左。)

去歐洲最好就係 9~10月去，天氣好，又唔係旺季。威哥，不如你早d或者遲d結婚啦...

我起碼都去兩個月啦，如果11月先出發，可以响外地過christmas同新年law~ 都唔錯既；都有諗過8月去架，但係好似貴好多，公司個度又未走得住...所以都唔係咁好。

北歐、東歐、地中海...好多地方都好想去呀...但係呢...本本書都話意大利好危險，仲有可能有迷煙黨添呀...不過呢意大利就唔可以唔去﹐最多自己小心d啦。仲有大把時間(如果11月出發)...可以慢慢揀。^_^

依家用HSBC credit card响商務買野最少有八折，好抵~

Hong Kong, one photo a day

Hong Kong, one photo a day
岩岩經過，幾得意~~
最特別的係好多cities都有...哈哈...Power of the Internet!!!

BLINK

都叫做攪掂曬所有野...(起碼暫時冇鑊野出現，哈)...好倦。

雖然係HAPPY FRIDAY，但返左屋企食飯，冇街去...係屋企"hae"，想睇書...我睇緊《Blink : The Power of Thinking Without Thinking》...本書好悶...比預期中悶...我本來對個Topic都幾有興趣，諗住佢講下d真覺、或者即時反應的野，但睇落真係唔多掂。佢的表達可能太學術，用的例子唔夠貼身，都冇共鳴(可能我未睇到戲肉)...所以冇興趣睇曬佢。 打左成晚Winning...

OT

依家仲o係公司...因為CLP明天有deadline...

第一次係公司update個blog...都好的...還掂屋企部電腦都唔用得。(其實我屋企仲有一部PC、一部notebook；部PC算係我細佬的....佢霸先...而部notebook係我家姐的...但已經係幾年前的貨色...開機都要5分鐘...點用？！)

好耐冇試過係office聽《一切從音樂開始》...今日一條友有機會啦；其實夜嗎嗎一條友都幾驚架...最恐怖的係自己d幻想...當一個人去洗手間的時候，經過d反光玻璃或者後樓梯，又或者o係洗手間照鏡時，好容易諗起恐怖電影d橋斷...我會諗起响反光玻璃浮現左d恐怖snapshot(通常係人樣)...都咪話唔驚呀！！...今晚仲要係星期四，森美小儀的《架勢堂》調左去12-2a.m.，星期四通常會講鬼故...好彩今日有雲海做嘉賓，講下UFO，如果唔係...一個人係office聽鬼故(if 咁岩個故事係關於offoce的)...嘩！真係會嚇親...


Dell個sales今朝打電話黎...話叫我加$300 upgrade 到二年保養...同埋要用visa card過數...master card 要收1~2%charges...受"昆"... 所以部notebook最後埋單要 $8648...都OK的...下次出notebook(3)應該收到貨。^_^

Notebook (2)

落兩...冇波踢...

今日去左睇notebook...屯門百老滙 & pccw 專門店
基本上都有左定案...不如從牌子講起la

Acer、BenQ、Compaq，HP、LG、NEC、TOSHIBA 呢d牌子都有出notebook...不過對我黎講佢地的product都冇咩特別，價錢又唔平，毫無吸引力...

Sony VAIO 系列
其實我由以前開始就好鍾意Sony呢個品牌，貪佢d product 夠型law，哈哈... 我曾經都好想有一部VAIO，紫紫地色，加上make in japan，幾型呀~~ 不過價錢真係太貴...只可遠觀而不可褻玩焉...

IBM Thinkpad
雖然自己唔係特別鍾意，但IBM確實係office的首選...可以話係穩陣之選。不過大學的promotion可以用七折的價錢買到，如果依家買，好似好唔抵咁...

Mac Book
之前睇新聞話Mac可以裝Window(靠Boot Camp)，都有諗過試下Mac Book。
星期二晚o係中環間pccw 專門店睇到真身...諗住今日係屯門o個間都可以睇多次...點知冇...
買Mac都係貪佢夠型...同埋試下Mac OS...不過，諗真d，用Mac應該都會好麻煩...rum咩program都會好唔慣，就算可以裝window，都未必咁方便，個performance又未必好...所以都唔會考慮。

Samsung
我自己愈來愈鍾意Samsung d product，都唔知點解，可能覺得佢的image幾型，哈哈 (可惜佢贊助車路士 >_<) ...佢的notebook有個特別的地方，就係個keyboard移前左(霸左普通notebook的 touchpad 位)...加上又輕又slim，個款仲好型添，都幾好~ 

Fujitsu Lifebook 正！可以話係今日的首選...夠輕、夠slim、又係make in japan、粒CPU係最新的Intel Core Duo，最重要係個Mon超靚，好sharp，再加上三年保養...完全符合我的要求(除左價錢)。之前完全冇留意個Mon的質素，諗住個個都差唔多...依家諗番，買notebook就好似買LCD咁，點都要睇下望下，要個Mon掂咁先掂~ 

睇左好多notebook的資料...再諗諗自己的需要；其實今次都係我第一次買notebook，都未真正清楚有d咩要注意...如果買太貴，就唔係幾好啦...所以始終都係以價錢為最主要的決定因素...最緊要平，所以都係揀Dell啦。

部Dell 機係用Intel Core Duo 1.66 GHz，有1G RAM，雖然機身厚d重d...但價錢只係 $8348 (你唔加野的話只係 $7599)，咁的configure配咁的價錢，你話點搵呀...所以呢我已經落左order啦...最可惜係要一個星期先收到貨...等下啦...