Germany vs Argentina

aiya...本來諗住上貓仔屋企睇的...點知差唔多開波的時候仲o係office開緊工...

臨開波前同阿sam閃落蘭桂坊附近睇大電視，因為週圍都冇位...企左半埸，緊張但埋門唔多...阿sam決定返屋企睇，而我就決定留守係度。好彩，下半埸精彩好多 (叫囂聲都多左好多，企係度的多數捧阿根廷)

最終1-1完埸，加時互無記錄...最後到射12碼...結果德國嬴4-2...(德國班球員射12碼好有信心，一定係主埸之利)

我自己今屆都幾鍾意阿根廷，今埸佢的整體發揮比德國好，可惜都要出局...不過都係一埸好波；企係街睇氣氛幾好，一有射門就"媽"聲四起...尤其係到左射12碼，當輪到德國主射時，全部人都嗌射失、飛機...哈哈。不過，要企2粒幾鐘，仲要向上望(頸痛)，又熱(好彩有d風)...都幾辛苦...依家周身酸痛 -___-