100th...

嘩，呢個就係我第100th個post啦，估唔到我都可以堅持到咁耐，變變下，好似寫diary咁...本身呢度個目的唔係diary架，不過我都覺得冇咩所謂，因為我愈來愈鍾意呢度，哈哈。

第100th個post寫d咩好呢...我覺得自己都好怪，有時好多野想寫，但又唔知點寫；有時真係唔多想寫...做寫作既應該真係好辛苦...有苦自己知...

點解成日用iraynet？有咩意思呢？

哈哈，呢個真係要數到我讀F.4既時候la...

話說我F.3既時候讀唔成書，走左去天水圍間HKMA度到F.4；去到先知讀書咁耐原來係為左考會考...不過又好好彩，原來HKMA係一間好好的學校，d老師真係幾好(好彩當時冇因為近而揀第二間...不過o個時都係人揀我揀...哈哈)

又咁橋我當時識到教我Computer Studies既David Lo，從此對Programming產生濃厚的興趣(其實可能係一件壞事...哈哈)

o個幾年，什麼IT熱潮(唔係i.t. / I.T.，以前叫green peace的)攪到係人都迷上什麼IT概念...

我從來都覺得我唔係隨波逐流既，我係對Computer Science好有興趣先揀黎做Major...所以我唔多鍾意IT呢個字，太籠統...不過我都趁住呢個熱潮幫自己改左個名...iRay.com...哈哈，因為當時係人都將d傳統的事物加 "i" 或者加 ".com"就羅黎玩概念，我改個咁的名係羅黎玩諷刺 <-- (路人甲︰呢條友懶係野咁喎...)

咁點解係iraynet耐唔係iraycom呢？因為有好多web service都需要login/nickname，我咪諗住用iraycom羅，點知我申請hongkong.com個webmail俾人用左iraycom，就係咁轉左iraynet...好無聊呀！

iraynet呢個幾好用架，奉旨唔會同人撞，不過知道的人一定知道o個個account係我...哈哈。