country boy

尋日同阿dick，子峰，阿muk上堔圳，因為曾生話如果我上去搵佢既話，就請食飯dum骨...

今次係我第三次用張回鄉卡...第一次係為左rotaract既清遠探訪團，第二次係同roger佢地去歡樂谷...

第一次去落馬洲，第一次坐皇巴，第一次用"e道"...好似幾方便丫...我諗得我唔多熟路...

曾生遲大到，我地四條友仔係東門"遊蕩"左2粒鐘...

第一次坐堔圳地鐵(因為截唔到的士，好多人爭)，不過好搞笑；入左錢買"飛"，部機竟然掉左幾個類似打麻將用的綠色籌碼俾我地，去到閘口，諗住好似入錢咁入落去...又冇位入...睇到人用，先知o個舊野係"八達通"黎既...要du架，哈哈(其實阿muk同曾生一早知又唔出聲，搞到我地成個"香港仔"咁)

一班人係大陸都係打邊爐(譚漁頭)，都幾抵~

淨係食飯都食到10點幾，曾生又反悔唔請我dum骨...唯有返落香港唱通宵k(佢地都要報到啦，哈哈)...不過全部男丁，冇女聲好慘...都好既，等我地開左個beyond演唱會(俾我有機會唱曬佢地的歌，正呀!!!連續唱十幾首，差d失聲吐血) & 曾生的超超超懷舊金曲之夜(連譚炳文都有law)

今朝成6點幾先返，都未訓夠又要出去...