family day

通常星期日都係family day，陪下阿媽同老豆，BUT今日就好似做左老豆咁...

本身約左hilda，celia同mayyam碌齡...突然hilda打黎叫一齊我去湊兩個小朋友(BB & Gigi)，都知今日係非一般的bowling... 開頭對住Gigi真係一d辦法都冇，問佢野又唔啋我(我諗佢當時應該好驚我)...不過都岩既，小朋友係唔應該亂咁同陌生人講野，哈哈 後尾hilda帶埋BB黎先好d，佢兩個好
friend，BB(男仔黎既)肯同我一齊玩，玩玩下先溝通到。Gigi其實都幾上鏡，仲好有表演欲添，BB就係一個好typical的頑皮小朋友，佢兩個成日羅住部車仔當相機影相，好攪笑...原來hilda對住兩個小朋友可以好惡。

以為只係同兩個小朋友一齊去玩，點知原來係3個，mayyam帶多個黎...wah...俾人撞到仲以為我地個個結曬婚有細路...

BB一同我打氣就全中，結果，我第一次碌齡過百分...哈哈！

之後約埋draco一齊食飯(佢忙緊出卷唔得閒同我地一齊玩，不過點忙都應該要食飯既)。同班小朋友食飯係一件好困難既事，都唔知點咩好，要細細塊、冇骨、又要岩小朋友口味...好難揀，不過憑我自己既經驗，我知點"橡筋"(海哲)一定受歡迎，我細個時都好鍾意食...哈哈



可能尋日嬴左3百萬之後未訓番夠，同班小朋友玩左一日已經覺得好倦...返到屋企都捱唔到番睇曼聯...不過我知曼聯嬴5-1，ManU 好波！