good daddy

星期一，係公司hae足一日，冇心機做野..."屎"得...

BB打電話俾我，哈哈，真係想請假同佢地一齊去玩...唉...

終於又捱到放工...同阿dick，子峰&阿muk食飯吹水，本來都唔使咁早閃人，不過要攞卡片去黃金海岸俾davy，所以10點零鐘就走...


諗番以前，其實我好希望做一個好爸爸。

以前覺得搵錢唔算係好難，要有一個幸福的家庭就好難；睇親電視劇d男人都係掛住做野而唔理老婆仔女，個老豆越有錢，同個仔既關係就越差，之後個老豆老左又黎後悔，我覺得咁樣唔係幾好。我o個時諗野冇咁現實架，諗親野都好理想既，我覺得教到個乖仔出黎真係好值得驕傲；唔理其他，淨係要個小朋友唔學壞就已經唔容易啦(所以我認為我老豆會好驕傲，因為有3個咁好的仔女)。雖然唔容易，不過我覺得自己呢方面幾ok架，哈哈。

依家諗番又唔同lu，一日24個鐘，休息、工作、興趣(leisure or hae既時間)、湊仔，如果每樣都要花我8個鐘，好似只可以揀3樣...
唔休息唔得，每日都要訓覺...
唔工作唔得，我唔係有錢...
即係淨番興趣or湊仔，最後興趣變成湊仔，哈哈，我諗我3x既時候都可能ok，但係依家既我就唔得lu...再加埋經過尋日一役，見到佢地咁惡...擔心自己諗得太過理想，對自己做個好老豆冇咩信心...依家都養唔掂自己，點養小朋友！？哈哈，所以老豆同阿媽你地真係好野呀！多謝你地！