win $3,000,000...

岩岩先返到屋企...呢個星期六好多野搞...雖然好眼訓，但都係打埋呢個post先訓。

星期六訓到12點先起身，沖個涼(依家慣左朝頭早先沖涼)，咩都冇食就出街...去旺角check check機票同火車証d價錢，同埋幫同事問下英超睇波團d資料。都係問o個兩間︰歐陸旅運 & 歐亞自助旅遊中心。

英航依家做緊$5450，包一程倫敦轉飛其他歐洲城市，我覺得呢個都ok既。另外有個最平既，卡塔爾航空，$4300咋，平成千蚊呀，雖然唔係直航，中間會停一個站(我唔記得係邊度)，應該都唔會花好耐時間轉機掛...我最驚的係飛機上面會有好多中東人(連空姐都係)，好似好危險咁...不過我諗冇人會劫個班機，哈哈。

如果咁計一計...
機票+稅︰$5450+$2000
保險︰$1200
火車証︰$10000(唔係講笑，兩個月Europass，成為€1102，1€ 大約兌HKD 10)
已經覺得有d金...再plan，睇下點樣慳番d火車錢

返屯門剪頭髮，之後去踢波...再之後...

阿藍尋日邀請我地食飯(破冰！？)，不過佢都冇咩出聲...得我地講，佢聽...

估唔到威哥"咁勁"，K.O.人地搶個老婆番黎...型！Polly唔好俾威哥呃到，佢以前有好多女朋友...

之後去食糖水，再下埸...roger被迫"班師回朝"

冇得揀，都係去威哥度(遲d冇得去架la)，威哥d結婚相真係好靚~

成班佬，打完winning 鋤d (我地通常都係咁)。哈哈，呢鑊堅la，我地玩"3毫子"隻，我同rice分別都嬴左威哥同阿藍 $3,000,000，JWong咁岩打個和，威哥迫於無奈按左層樓俾我地...YEAH~


睇黎我地的蘇梅之旅都冇架la，roger冇假，返大陸又唔得，JWong申請唔到，結果可能變左去澳門...唉...