15 days left...

happy friday + long weekend(星期一國慶)，就算唔係辭左職，今日返工都冇mood做野啦~ 更何況我依家已經辭左職，雖然對身邊d同事黎講幾過份，但真係要講呢句︰『真係好輕鬆呀！！』哈哈~

今日仲要係出糧既大日子，雙重興奮...我仲要出埋10月份糧(雖然係期票)，都好啦，可以話係三重興奮呀，cool~

好似坐左係公司成日，冇咩個過，冇咩印象...淨係記得食過lunch，打過winning(嬴9-0，最大勝仗)同食tea...哈哈 (我自己都覺得有d過份)

本來尋日約許生食飯，點知JWong又話今日得閒，就埋佢啦。點不知今朝先發覺今日係佢既生日，咁就出奇啦，生日可以同我地食飯！？我地應該有好幾年冇係正日同friend慶祝生日架啦，個個年年都有女朋友陪麻；今日因為有人要返學，所以食飯時間可以陪我地(我地行運) 點都好，JWong，生日快樂~ 我地仲買左個魚眼相機俾佢做生日禮物，雖然我同許係想買俾自己多d，我去旅行一定會借黎用...好過癮~

Roger聽朝返早，唔黎lu；威哥約左未來(仲有2weeks)老婆在先，不過佢同老婆dinner完之後都過左黎。

去左食鍾菜(冇打錯字...o係Time Square食通天10/F)，幾好味，雖然偏貴，不過d野食係真材實料，再加埋CWB，其實算抵架啦，又好味喎，唔錯唔錯~

環境都幾好，個廚房係開放式，你會見到d廚師煮野個樣，我當然對"男人廚房"冇興趣啦...

個waitress係咁叫我地飲湯，足料+煲足4粒鐘架，好好味喎，雖然佢好落力咁sell我地，我地都冇要；我有阿媽靚湯嘛，煲足成日添呀！！

薰衣草洋甘菊綠茶 (幾好飲，不過飲幾杯就冇曬薰衣草味lu)
石榴脆香雞 (唔知話羅左咩獎架wor；幾好，隻雞好滑)
象拔丰兩味 (炒翠玉瓜 & 酥炸；唔錯；煮之前仲俾我地望下係象拔丰生猛既，不過唔知睇同上碟既一唔一樣)
生拆蟹肉伴西蘭花 (好多蟹肉)
荷葉飯 (又係幾好味)

3個人埋單$700，算係咁啦~

許同我講︰『你下年唔好要我地陪你正日過生日呀！！』哈哈，仲有7個月時間俾我...

唔記得影番張相tim...