live is ...

時間過得好快，眨下眼又到happy friday...又同阿dick，子峰＆阿muk食飯...

返屋企途中，突然間諗，原來自己身邊比較close既朋友(MALE)當中，個個都係好好男人黎既(高大威猛靚仔有型，雖然唔係超級有錢個種，但都有穩定收入)，哈哈，個個都有穩定既女朋友，穩定既生活，佢地都好有planning架，係得我冇...照咁睇我都算係最吊兒朗當o個個，唔怪得我依家孤伶伶啦...

依家好似個個都開始諗結婚、買樓...弊家伙，我咁快有中年危機(應該係莫名其妙的失敗感，或者係"青年危機")...大獲！！！

『人比人，比死人呀，冇得比既；人要有要求先得喎；唔使同人比既，生活得開心咪得law；你睇我好，我睇你好者；』唉...

問自己：究竟你追求緊點樣既生活？生活得開心咪得law(呢句有d逃避feel，有d似安慰自己)...平平凡凡就得架la，小康之家，但求有瓦遮頭，生活無憂，咁就得啦；人人都係想咁者...(好似係最低要求，但又唔係好容易做得到)

拍拖既時候我都有去諗將來要有點樣既生活，可惜淨係識得自己諗，同埋真係得個"諗"字...衰在冇要求，唔夠上進，諗多過做...<- 死穴

咁你依家想點？暫時既目標係...休息，再上路...At the same time，要尋開心！

我自信可以做得更加好，但唔可以再偷懶。或者我真係太懶；太多藉口；太過大安旨意；太過好高騖遠。

我係樂觀既，呢個世界有好多好野等緊我，有好多地方比我去闖。

但生活可以好現實，冇錢就咩都唔得。

係我咁諗錯丫，抑或係我太過"香港人"(因為人人都係咁)...變成一種身份，一種比較。

呢d咪就係失敗既人安慰自己既說話law...

真係快樂既人根本唔需要理人點睇，只要自己搵到快樂。

be always happy 係人人既夢想，但又好似好難做得到...

有太多矛盾...

咁咪就係"生活"law！

發完勞騷，發完翕風...

我就係我！