Macau - Day 2

起身沖個涼，隨便食個早餐，冇咩好做，同佢地去漁人碼頭行下...又曬又熱又無聊，算把啦...同佢地去買埋手信返歸。今次係我唯一一次去澳門冇買手信，上個禮拜家姐先黎過澳門，仲未食晒，同埋我都黎過太多次la，食到有d悶...(阿媽次次都叫我唔好買手信，今次最聽話)

本來真係想同大家stay多陣，感覺上呢個係最後機會；只要是但一個結左婚，就唔會再做埋d無聊野，唔會再一齊昅女仔，唔會再亂噏24，唔會再返番18歲，真係有D sad...人大了...

一個人搭巴士返屋企，心諗︰個個都似乎要結婚啦，自己依然係吊兒郎當，冇咩話為自己既將來準備下咁...望住個日落，真係有d無奈...聽住美麗之最...

我的雙眼裡　尋找到美麗之最

26歲o者，雖然話多唔多，仲有時間既 。

其實要搵到個可以同自己白頭到老既人真係幾難，見到威哥你咁幸福，真係恭喜晒！！