KC.CITY Membership No.

KC.City = 皇X會...

果日Draco結婚，婚禮完左我同埋幾個中學同學去皇X會開四方城...大家以後如果唔想入會可以用呢個No. 07010897...慳番$50...

澄清︰我地絕對唔係爛賭鬼...

finally...

擾攘左二日，終於都揀定左...

雖然都反覆過一次...本身我今朝應承左影靚人先既，但航空公司聽到我refuse又俾好少少offer我...最後都揀左返機場...對我黎講，真係兩邊都差唔多...雖然影靚人果邊唔死心話佢地通常都有15個月，但冇人guarantee...現實少少好d既~

就係咁，2月1號要返工啦，110日冇返工...都差唔多成1/3年...估唔到咁耐...哈哈...GOOD LUCK！！！

3個offers...

估唔到岩岩出左"real offer..."呢個post，之後就再有兩個offers...

一間係影靚人公司，permanent，返0845-1745，5日，紅磡，佢真係俾offer我，但人工就俾我expected既低10%...

另一間係software house，呢個仲衰，壓我25%，唔使諗，即推...

...

on the road - 2006/11/10

Rome...

今日可以話係"峰迴路轉"既一日呀！用"估你唔到"會好d...

訓得好舒服，不過起身時發覺膞頭有d痛...個backpack太重啦...

早餐有軟綿綿既牛角飽，袋裝多士，cornflakes，不過d牛奶俾人用晒冇得食，雖然係咁，都食得好飽。

頂！原來真係對鞋著爛襪，唔係冇理由新襪著兩日就穿架...用對爛襪補番對鞋，以我既手勢黎講，不過不失咁啦，幾鬼舒服架...



由於尋日搵果兩間Hostels都有位，今日仲大安旨意諗住實有地方過夜。執好行李再問本身住開呢間，當然冇位啦，因為仲未有人cancel。再去另外兩間，頂！竟然全Full...有冇攪錯呀！？

呢鋪真係"乃"野，尋晚仲大安旨意連deposit都唔俾，諗住自己一早黎check-in都好穩陣啦，再周圍搵搵...好灰，最起碼都要€2X仲要咩都冇...

與其係咁，不如去Venice好過...頂！全部都係Eurostar...即係要俾多€15，好唔抵...諗左一陣...退而求其次，返Firenze訓一晚，再搭早車去Venice。以我估計，Firenze實有地方訓，而今日又可以周圍行，唔使浪費一日。預計係Venice訓一晚，星期日晚返Rome。所以今次要book定hostel先，咁星期日晚幾點返到Rome都冇所謂啦！！！哈哈，呢個plan唔錯~~

好！5、6點都有火車去Firenze，聽朝6:27又有早車由Firenze去Venice，應該冇問題。

仲可以有三四個鐘係Rome周圍行。去過許願池、萬神殿、依曼諾二世紀念館、鬥獸場...

鬥獸場俾我想像中差少少，可能睇Gladiator睇得太多，少左d古羅馬人，感覺冇咁grand...今日冇俾錢入場，因為冇時間；過兩日番黎先入去都未遲啦...

途中遇到遊行示威...我梗係唔明佢地做咩示威啦。不過呢，原來佢地係有飲食供應既，我行過都收到一份免費既午餐，哈哈哈！！！打開黎睇，有兩份芝士火腿三文治，一個青蘋果，一支水，一個朱古力蛋糕...好豐富呀~~

唯一有問題既係個兩份三文治都有D濕濕地，可能擺得太耐同埋岩岩解凍啦。不過我有大無謂既精神，照食可也...都幾好味架，如果熱既就仲好味啦~~都好滿意架la，正！！！

青蘋果同朱古力蛋糕留返今晚食啦~~



返Hostels羅行李搭車，點知個Staff問我仲要唔要房，佢話有人打電話黎cancel左...頂！有冇咁橋呀...正當我考慮緊既時候(其實我都想要架啦)，有兩個人黎搵房，個staff緊係問左我要唔要先啦，咁我又梗係話要啦，SORRY...佢地遲左lu...

睇佢地個樣係兩個亞洲人，一男一女，開口講既竟然用廣東話...天呀！終於撞到香港人啦，哈哈...

見到係自己人，我就好大方咁讓左兩個床位俾佢地...因為我好明白要搵地方訓係好麻煩既，仲要咁夜添...邊到都冇位啦...一個人都還可以，兩個人仲有一個係女仔添，訓街好麻煩既...橫掂我都有backup plan，冇所謂啦，希望好人有好報...

同佢地傾左一陣。好開心呀，好多日冇講過廣東話，唱所欲言~~ 可惜我又要走啦，趕住搭火車...岩岩追到班火車，我上車既時候架火車係一路開住...

個朱古力蛋糕真係好好味呀~~

Rome -> Firenze...

差唔多4小時既火車...好無聊呀...PSP冇電...又費事開backpack羅書睇...寫日記都寫唔到4粒鐘啦...

Firenze...

好彩仲有位訓，冇沖涼，因為聽朝要早起，費事執野...哈哈。


意大利既雪糕好好味架~

on the road - 2006/11/09

Firenze -> Rome...

本來尋晚pack好曬d野趕住搭今朝06:27班車，其他班次都要俾$$...3點幾既時候醒左，仲要唔小心整跌左個電話落地(我訓上格床)...shit...想唔執都唔得，鬧鐘會嘈醒晒d人...焗住落床摸黑搵...攪到又唔意思早起(其實自己都唔想咁最早起身...咁趕)

懶訓既代價就係冇車去Venice...一係俾多€15搭EUROSTAR，擺明屈錢...所以唔去Venice去Rome先...

Rome...

好正！坐左四粒鐘火車...好彩有金庸解悶咋~

黎到Rome第一件事梗係搵地方訓啦。呢間Hostel超正啦，只係€17一晚，包早餐晚餐，仲有廚房，又近超市，又近火車站，架lift仲好有懷舊feel，哈哈！差唔多冇咩錢要用，dinner既錢用黎買生果食...

周圍狂狂...

同房有個Singapore人(Leo)，兩個Spanish，maria & catalitia...終於有人傾下計，之前d房太大太多人，埋唔到堆...呢間hostel真係好唔錯...

買左個蘋果同一支水，因為我冇零錢，佢收少我€0.2，真係好運！！！

可惜只可以住一晚，full晒，搵左另外兩間，都唔錯，聽日再算...


咁大個仔第一次入教堂。西班牙教堂(Piazza di Spagna)

real offer...

2月1號返工。

朝9晚6，返5日，機場，人工普通，不過似乎冇咩OT，但要provide 24x7 support...

放工去玩好唔方便...-___-"

興趣唔大...但我依家冇工返...可以既話...

on the road - 2006/11/08

Firenze -> Pisa...

唔多想起身...

今日去左睇比薩斜塔。冇想像中咁grand lor...有少少失望...Pisa呢個地方真係得個Pisa...哈哈。

第一次去洗手間要俾錢，€0.3...

食左件用柴燒既pizza，都幾好味架！

Pisa -> Firenze...

夜晚返Firenze周圍狂狂...真係好熱鬧，一d都唔覺意大利危險，仲好似幾安全添；今晚部DC有電~

食左四餐意粉，今晚可以煮餐飯食下；落左勁多米...好飽~


呢個角度應該係最斜架啦~~

on the road - 2006/11/07

Firenze...

今朝要自己煮早餐啦...超咸既雞湯意粉(Quick Soap黎既)...

Firenze真係好正！今日都覺自己有少少笨...俾左€9.5入玉翡翠畫廊(Galleria degli Uffizi)睇畫，本西歐遊話呢個畫廊係意大利最正架啦...唔係唔好，但如果羅黎食左佢會開心d，哈哈，睇黎我都冇咩藝術細胞架啦...唯一有印象既係《The birth of Venus》，我記得o係History書見過下咁。所有畫裡面d人既表情都好死...應該係style黎既...Leonardo既幾何學都好出名，呢part我反而最感興趣...

行完畫廊，行街市。意大利既街市好過癮，好乾淨。有間"肉檔"仲係咁俾人試食添，整到一件件點心咁，好靚又好食...我都食左兩件，如果唔係怕唔好意思，我會食埋最大塊果幾件...仲買左d果乾當糖食，好好味架！

個市集就好似香港既女人街咁。去到本書介紹既牛什檔，當然要食佢推介個牛什sandwitch啦，好好味呀！(有部份原因係行完街市好想食野...)

正！正！正！好似好耐冇食過牛咁...哈哈。不過似係牛肚而唔係牛什lor...

行左百幾級樓梯上米高安哲勞廣場(Piazzale Michelangelo)，呢個view真係靚既，仲加埋日落添~

夜晚既Firenze都好熱鬧，可惜部DC冇電，影唔到...聽日再影過！


第一眼睇到呢個(大衛像)真係好想買，好有意思，哈哈；但買左又費時收到果個人要搵地方擺啦...所以最後冇買。

weekend

呢個weekend就咁過左...

Draco，恭喜晒你啦，加入老襯行列...攪到我星期六好晏先起身...另外要鬧你所謂既好得完全唔得啦...哈哈！

兩日大部份時間留左係屋企...今日仲大掃除添...岩岩睇埋突圍行動...差唔多訓...雖然依家日日都係weekend...

聽朝又要去interview...9點去到側魚涌...

photos...

因為有人向我投訴冇相睇...所以...右邊...暫時...放大左...應該睇到架la

不過，咁即係代表我之前做得唔夠user friendly...好失敗...3年既web development既經驗...

之前果兩個photo posts，上面果張相只係photo index，條link只會放大張index...下面果張就係photo album cover...click就可以link去我旅行d相...

呢個post使唔使置頂呢？一日咁多啦，哈哈

1st offer...!?

現實通常都係咁︰你覺得唔多掂個次，最後係會成功架喎；但當你覺得好掂既時候，又未必實掂...

講緊既梗係interviews la...

估唔到我星期三既interview竟然有feedback...雖然我都覺自己既interview表現唔錯，但份written test應該死得先係...

今日個agent竟然打電話黎叫我星期一去見見HR，佢話應該冇問題...仲問我有冇興趣做添...間公司係後半個電話品牌...呢樣都唔重要，最重要係我對份job冇咩興趣...應該好無聊添...應該唔會應承 <-- 人地未係真正俾offer我架，我自吹自擂者，哈哈！

好希望尋日果兩個jobs打俾我...

以前有個朋友同我講過，當你面對選擇既時候(仲要好似好難揀果d)，其實打從心底裡面你已經一早揀左...我都覺得自己係咁既...所以我已經有左答案...

雖然都未係perfect，但我都in夠啦，知道自己仲掙d咩，呢一年要再準備下...

今日去左航空公司做另一個interview...機場真係幾好view，望住個咸蛋黃，同歐洲既好唔同，香港果個好似近d，大個d，柔和d...

夜晚去左踢波...俾人kick低左，因為天氣乾燥，右腳整左三大塊傷口...頂！！！要知道年紀大，新陳代謝都慢d...又會有疤痕添...沖涼當然刺刺痛啦...本身幫我隻豬脾影左相架，不過唔多"靚"，費事post上黎啦...


好緊張呀！聽日係陳生既大日子(講多次唔係我結婚呀)；仲記得威哥個次宣誓既時候我真係好緊張呀...聽日應該都會...

on the raod - 2006/11/06

Milano...

早餐都係果d啦...羅多左件芝士同兩份多士...哈哈。(放心啦，全部都係獨立包裝既)

聖母大教堂前面有好多白鴿呀！好似睇電視咁(好似旅遊特輯咁呀)，D白鴿係會圍住你飛架，哈哈！好過癮~

Milano人好型；而我就揹住個backpack...牛記笠記+黑色粗框眼鏡+skin head...好唔襯...

呢度真係好多名牌，攪到我都好想Shopping...我勸大家唔好帶女人去Italy...哈哈哈。

俾個非洲人呃左...當我行過Piazza Scala，突然間有個黑人行過黎用條繩綁住我隻手，我有嗌唔好架...但佢話唔使錢，又話係幸運繩，我果一刻以為o係歐洲既教堂會有d咁"著數"既野...佢綁完就問我羅錢...只怪自己貪心...係褲袋羅左個€0.5出黎(好彩)，佢話唔夠，唯有再羅...又係€0.5(哈哈)，即閃...



希望條繩真係GOOD LUCK啦...

Milano -> Firenze...

又等左成粒鐘車...周圍行又唔夠時間(而且好重)...激死...

夜嘛嘛差d搵唔到想住果間Hostel，因為果間有廚房同laundry...

個廚房得兩個電爐(設備同瑞士差好遠呀)...Laundry原來好貴架...€6.5...Wash & Dry...

上網要€3/Hr，價錢都預左架啦，acceptable...

晚餐有沙甸魚+蕃茄意粉...好好味架~~

即刻沖涼(尋日間Hostel太污漕)，即刻do Laundry...洗完衫，感覺好正，好乾淨...呢間俾Milano果間好好多架啦...

OOO...check左email竟然抽唔到ManUtd vs Chelsea既飛...shit！！！


Firenze, Ostello Santa Monaca, €16；更加多既人話呢度似監房...

interviews...

今日狀態大勇呀！！！我自己就好滿意自己既表現啦...哈哈！當然人地未必滿意啦...

如果以咁既表現都冇人請...就真係可以收檔...呢兩份工都唔錯，各有各好(但又未到perfect...)

一完左interviews...我好自大咁諗︰如果真係有得俾我揀，我會揀邊份工呢？

一份係inhouse(近排專影靚人既)，permanent，人工應該俾我expected既低，但佢guarantee x13+bonus，五日工作，感覺到係準時收工...(呢個都好重要；假如我想讀書、考車牌或者考Cert...當然仲可以enjoy應有既生活啦...)。個package唔錯既...

另一份係銀行工作，1 yr contract(renewable)，人工係我expected既，應該有前途d...但感覺到會經常OT...仲記得兩年幾前曾經in過呢間公司，當時係請permanent既；我仲好記得hr in我果時問我點解HKCEE中文作文羅U但去到HKAL可以羅A...而中文Listening又可以羅U既...當時我唔識答(答得好求其)...哈哈，當時好好彩竟然有候補2nd in...最後梗係唔得啦。今日再in竟然係候補2nd in同一間房(唔知點解仲記得)，而且仲記得有幾條technical既問題唔識(今次依然都冇預備番)...當然今日in我果兩個人都唔同左...

真係唔知點揀... <--有得揀先算啦...希望掂啦...加油加油！！！

interviews...

五十五十...

自問2個interviews都算唔錯，但一到做份test就即刻露底...失敗...

多謝denis份手信，哈哈哈﹗﹗﹗

依然好討厭962...

Photos@Italy (Part I)

on the road@italy (part I)

on the road - 2006/11/05

Chur...

摸黑起身...因為太懶訓，趕唔切6:48班火車去St Moritz...等左成粒鐘...

St Moritz...

呢度真係好靚...不過個locker仲貴過泊車，兩粒鐘要成5Fr...泊車都係每粒鍾1Fr咋...



因為睇錯時間，等左成個鐘先有車去Tirano...不過，Bernina Express真係好靚；後尾先知到火車既窗係可以打開架...好可惜呀...浪費左影靚相既機會...

真係好鬼"好彩"，去到唔知邊到架車壞左，要換過個火車頭先可以繼續行...

Tirano...

呢度只係一個邊境小鎮...第一次用本passport...順利入境，不過要等個半鐘先有車去Milano...

Milano...

19:30先黎到，夜晚晚搵地方訓...第一次搭地鐵，落到地鐵站真係幾頭痕，又睇唔明，唔識買飛...都係問人啦...

意大利俾我既第一個印象係︰同瑞士差好遠，瑞士係好少人同好乾淨，意大利就好多人而且仲幾dirty添...尤其係metro...

呢度冇laundry service...又無得洗衫...冇衫著...

頂！又漏左個水樽蓋係Chur間Hotel...


Ostello Pietro Rotta (AIG) €19一晚；唔多乾淨...仲好多人話似監房...

on the road - 2006/11/04

Lauterbrunnen...

離開張威兩公婆啦，一個人繼續上路...

Lauterbrunnen...Interlaken...Chur

本來諗住直落意大利，但係驚太夜到意大利好難搵地訓，加上我好想睇由St Moritz到Tirano既風景。本書話呢條火車線係著名既風線 - 伯連娜快車(Bernina Express)

係St Moritz住一晚應該好貴...諗過度過，揀左Chur住一晚。

Chur...

揀左Hotel Schweizerhaus，呢間都成35Fr架。不過我住閣樓，仲可以上屋頂，好過癮...不過呢度冇咩野好行...

又要諗今晚食咩餸...呢度冇廚房冇熱水...威哥俾我包米暫時都無用武之地...唯有去超市買熟食啦。

諗住買隻燒雞加沙律，因為時間尚早...行多個圈先...等到差唔多關門先返轉頭(5pm左右)，點知隻雞俾人買左... -___-"

不過發現左臨關門買take away野食有半價...抵呀！

行番Hotel途中見到有熱辣辣既栗子賣，雖然貴過香港好多(200g要5.8Fr)，但睇落好好味，照買！


晚餐；大約HKD$80(仲要有兩樣已經係半價)

on the road - 2006/11/03

Lauterbrunnen...

尋晚食完個Cheese Fongdou，好懷念味噌湯呀...行到supermarket見到有quick soap喎，嘩，即買啦...好好味呀~~

等埋威哥兩公婆一齊上少女峰(Jungfrau) - 歐洲最高山峰

途中識到3個Korean女仔。俾威哥話我怕醜唔敢同人地傾計...都係既 <- 我o係佢地面前收歛d咋...哈哈

我地搭車上少女峰果陣，唔記得落車...因為途中有站，去到少女峰果時我地以為係中途站，而且架車個AV system壞左，咁冇announcement我地咪唔知到左山頂...所以咪冇落車law...直到我落車問清楚先知上到山頂，再上番車叫佢地落車都趕唔切...架車返落山，好彩同個票務員據理力爭，佢先俾我地o係中途站落車上番架對頭車，如果唔係就真係累埋Korean班女仔...

少女峰真係好靚，仲好凍，-18度...雖然上一上山都唔平...成惠116Fr，不過一生人一定要去一次...正！！！

夜晚果餐又煮...不過今次就唔係咁好彩...俾人捉到正。個Staff話：no guest！！！咁我唯有一個人煮埋，整埋兩個"飯盒"俾佢地(唔記得影番張相添...應該唔會太難食既)。得番我一個人食咋...v___v (不過之後都多數一個人食架啦)


少女峰(Jungfrau)

on the road - 2006/11/02

Interlaken...

好早起身...天氣好好...不過好凍...得6度...早餐又係麵包同Cornflakes...同張生張太行街買手信...

因為掛住買野，趕唔切班火車去Lauterbrunnen...不過鋪頭既人又好好喎，車埋我地去...

Lauterbrunnen...Murren...

搵左間Valley Hostel，好掂丫，只不過25Fr(Breakfast not included)...

搭吊車去Murren鎮...上到山仲凍...得0度...走既時候得-2度。

其實上山都好貴...不過唔上山又唔得喎，風景好靚~

夜晚一齊去食Cheese Fongdou；正宗既只係得麵包架咋，唔同香港既咩都有。開始既時候就覺得幾好味，我地仲問Waitress麵包可唔可以refill添...但食落就知中計...食到個口唔知點咁...好彩仲有Pizza頂一頂...最後都食得晒...

同房有個香港人同北京人，仲有個澳洲人...個香港人係sap度做既，好似去完奧地利工作順便黎瑞士旅行...佢仲留左d朱古力俾我添，哈哈~~

頂！執野個時發現漏左2件短袖衫係Zurich間Hostel...太大意啦...

"好好味"既芝士火鍋

返工未呀!?

呢個星期見工係關鍵...新年前有冇工返就要睇呢幾日見唔見得成啦...

...

曼聯輸波...訓得唔好...

on the road - 2006/11/01

Zurich...

訓醒刷牙洗臉食早餐...之前諗左好耐究竟早餐有咩食呢...依家終於知道...有多士同Cornflakes，coffee 同朱古力，算唔錯架啦(不過我有諗過會好似酒店咁豐富...好似太大想頭添)

由Zurich去Interlaken...

諗住去搵張生張太，所以揀左去Interlaken...誤大誤撞搭左條著名既風景線 - Golden Pass...真係好靚...

瑞士既火車真係幾好，乾淨又舒服...我仲要坐1st Class添，哈哈...爽呀！！！

Interlaken...

揀左間Backpacker Villa，要等到4點幾先可以check-in，仲要冇人，想放低D行李都唔得...唯有揹住個backpack周圍行...

行行下，聽到有人講廣東話，睇清楚，原來係威哥同佢太太，真係咁橋...應該話Interlaken太細啦。就係咁俾我地遇上左，我本來諗住搵香港人傾下計者...

同佢地一齊周圍行...我仲係揹住個backpack... -___-" 好重...不過我有free lunch做補償，半隻燒雞...好好味呀！！！

行左好耐先搵地個湖...風景係靚架...可惜天氣唔好，仲有微微兩，再加上我膞頭好痛...冇心機...

夜晚同佢兩個一齊煮飯，我諗佢地都唔介意多左係電燈膽...哈哈


窗外景@Backpacker Villa@Interlaken


後記︰
我揹住個backpack就唔想羅相機出黎...因為好重；所以呢段時間好以冇咩相...等我遲D問威哥攞番就會 upload架la...
後尾先發現扣番backpack條腰帶會輕好多，搵條腰借力...

Photos@Switzerland

下面呢條link先係...

on the road@switzerland (part I)

on the road - 2006/10/31

終於上機啦！！！

呢一刻...好自由，好似可以想點就點咁，可能返過了3年朝十晚X，冇咩放過長假期，依家有兩個月既free time，感覺好正。之前既煩惱可以暫時擺埋一邊先。當然，好多野返到香港都要繼續既...

由辭職到飛之前都好忙；freelance、preparation(其實冇咩prep過，買呢樣買果樣law)、thailand之旅、gathering都塞滿晒個schedule(呢個最花時間)...最對唔住既係阿超，漏左你...SORRY呀，返黎先見啦...

由香港飛去首爾...

坐係我隔壁既係兩個Korean大嬸，我坐窗口位；隔離既大嬸冇啦啦鍊一鍊我大脾...嘩，真係嚇鬼死...都唔知做咩事，佢又唔係望住我喎，一路同另一個大嬸講野(當然佢地係講韓文，完全唔知佢地講咩...)

後尾佢終於同我講野；當然啦，隻手依然係鍊住我大脾...嘰哩咕嚕都唔知佢講咩...雖然都估到佢想搵我幫手，但我真係唔明佢想點，唯有笑笑口咁話no no no dont understand之類羅...到最後都唔知佢想要咩...

首爾機場...

訓左5-6個鐘...岩岩先發現自己唔記得帶電話卡、牙刷...仲有之前係屋企搵極都搵唔到既DC後備電池...

首爾機場都算係咁，有得上網、有好多地方訓覺、有得睇電視(仲可以轉台添)...時間都算好易過...

由首爾飛去蘇黎世...

窗口位again；不過今次坐係隔離既係一個Korean大叔...果然冇女人緣... -_____- (阿Muk，我記得你既說話)

好彩班機唔full，佢見窗口位冇人坐，即刻閃左過去...我一個人坐兩個位...都算好彩...

第一次坐長途機...俾想像中容易捱...仲有牙刷供應添，幾好！

望住個窗，架飛機就好似追住個日落咁，好似唔想俾太陽落山...都因為咁，坐在咁耐飛機(等轉機都好耐)，依然都仲係31號...不過我知時間係要還既，就係等我返黎既時候...

終於黎到蘇黎世...

入境都好似冇check過passport...夜晚七點幾落機；本來諗住係機場訓一晚，不過機場好細...隨便搵間最平既Hostel訓。幣！！！突然醒起唔記得羅YHA張會員証...真濕濟...

第一次搭歐洲火車，好緊張...企左係機場火車站，望左好耐，先開左張火車證...

去到中央火車站，又想係度訓一晚算，不過心諗都唔使咁慳啦；搵唔到最平果間，唯有去附近另一有間叫Hotel Martahaus，盛惠 38.5Fr，幾乾淨，環境俾我想像中好，仲要上網唔使錢添。兩日冇沖涼，沖番個涼先。

從新拾過個backpack，因為出發既時候太趕，D野好亂...搵過晒，都係唔見舊後備電...好唔開心...


影低旅行前個樣...旅行之後果就張要等6X日啦


後記︰
依家睇番本日記，好攪笑，記番好多無聊既事...哈哈。當然啦，最大鑊果單發生係2006/11/20...
Korean Air隻牙刷用左兩個月，唔刻晒~~

terrible interview

講緊既係今日個interview...係自己既表現超唔掂...好彩對份工都唔係太有興趣(其實我都唔知份工做咩羅...agent叫我去in咪去羅)...

好似去左兩個月旅行，自己做過咩、識既野都唔記得晒...好恐怖...

不過今次衰左都好既，星期三個interview會做好準備，因為要用英文in...

講開interview；尋日見個agent已經好唔高興(係我好唔高興)，條友(女仔黎既)...好X串(之前同我講電話都唔多nice，又壓我價)...唔多想再聽到佢把聲...佢最好唔好再搵我，大家冇偈傾...

星期二阿suki就好唔同，好好傾，又岩feel，最好佢幫我搵到工，益下佢丫嘛，哈哈...

呢兩日唔多順利呀！！不過我部engine都行番順啦，可以集中精神...同埋劉備已經成為漢中王啦，差唔多收工...


阿媽話新年前我一定要有工返...佢開始對我施壓...哈哈

freedom = priceless

自由自在︰此刻無價...

http://whs.esdlife.com/

...

真係太懶...太過份...

enjoying...

冇工返...每日都好似百無聊賴...當然啦，其實我係好free...enjoying...

呢幾日做過既...

去interview：有時份工唔多鍾意真係唔想去見，但又擔心唔知幾時先有工返...日日見，齋見...

睇突圍行動：幾好睇...

番睇prison break：去旅行之前趕住要睇晒，因為好想知果結果...飛左好多呀！依家睇番，依然好緊張...

聽一切從音樂開始︰以前開OT先要聽，依家冇工返，夜晚訓唔著，睇完電視聽903直落...好正！！！

打機(三國誌XI)︰幫緊劉備打天下；去旅行既時候返睇左三國演義，一返到屋企好就好想玩...

呢幾日都就係咁...好多野未做，剩係d相都未upload啦...連post都懶得出...哈哈 <-- 太過份

仲有，日日等開飯，阿媽煮飯真係太太太太太好食啦，肥死...

my route

on the road 既路線...haha



依家睇番，好似有好多地方冇去...又好值得去...行得太慢...有d地方又留得太耐lu...

planning!?

上個禮拜開始搵工，好似岩岩先發覺原來自己都做左3年半野...(因為填左好多form，自己review番自己...)

雖然都有人讚個profile唔錯(好普通)，我自己就覺得同岩岩出黎做野個resume差唔多...突然間覺得自己行得好慢添...又有果d feel...好似咩都識，但又唔夠專業...諗諗下，又怕人地覺得自己叫價太高...本來都迫自己要企硬...又開始軟化...

工字不出頭；一真以黎都係咁諗，但係依家又摶命搵工喎...咩都怕，又冇咩打算...下年搵工又倩況又會同今年一樣...係多左一年工作經驗，人工高左D...咁又有咩意思呢...

諗左好多，到最後又返番呢度︰依家手緊，搵到野做先再算啦...冇鬼用...=P

諗得太多無聊野，不切實際...仲要以為自己好有planning添...

三年又三年...咁好大鑊...

too lazy...

返香港都成兩個禮拜...好多野都話想做要做但又"的"唔起心肝去做...shit...

加油呀！！！

why favourite?

其實我都幾鍾意Eric Kwok既歌，由以前Swing開始，好正...

返到HK聽903聽到呢首歌就好鐘意...

應承呢兩個字好沉重呀...可能以前太隨便(依家都仲可能係)...不顧自己去就你...依家我希望想點就點...加加埋埋...鍾意就鍾意

不過，呢一刻真係有點不知所措...


其實應承 同 晏都好好聽...

2007 1st favourites song

應承

歌手：郭偉亮 | 作曲：Eric Kwok
填詞：林夕 | 編曲：Eric Kwok/Ted Lo

答應　你我的往事越往後　越美麗
亦答應　來自內心的話跟你　能見底
承諾你　志願給你自由發揮
絕對不會用謊話　好像不敢呃上帝
終此生使你快樂憑智慧
你肯一笑扮傻都抵　得到的已是一切
不需的都可放低

＊當天下樹林倒地　身處最壞境地
　但我都不會離開你　只會著緊你
　不顧自己去就你

　當感受白頭滋味　走過漫長天地
　但我都依然拖你　給你來襟被
　恩愛才越來越美＊

答應　對你寬厚維持風度　沒燥暴
亦答應　無論大小事情講過　能做到
承諾你　與你好友亦能友好
未怕黑髮亦不保　不懼天荒享受地老
懂得寬恕叫以後無控訴
永不爭拗自然相好　不擔心雨大風高
歸家永遠沒迷路

REPEAT＊

so free...

係香港唔使返工真係好正，感覺好恷閒...

去銀行開番晒D卡，之後返ME傾下計(freelance)...

搵工冇咩聲氣添...開始有少少壓力...

搭電車落CWB...雖然係放工時間，但條街好似少左好多車咁...本身約左人食飯...唔得閒，改返星期日...最後自己一個去飲野、睇書...咁又一晚...


尋日唔記得講添...幫人買下廣告...陳生將於26號結婚...紅綿路...恭喜恭喜！！！

當然我都係陳生，但唔係我結婚羅...haha...

the 6th times...

今晚應該係返香港之後第6次講遇害事件...

應該仲會講多5次左右...

a normal day

雖然今日只係去見工，但感覺好似返工咁...朝頭早8點起身，10點去到北角...見到好多人係條街到食煙...好攪笑...

好似o係歐洲帶埋D好奇心返香港...雖然只係短短兩個月，但我對每一樣野都多左份新鮮感，連搭地鐵都覺得好唔同...每件事都好似好特別...好過癮...


暫時都會幫人打工先，搵番一年錢再作打算...

另外希望考番個車牌...身邊個個都有係有牌人仕，雖然唔係個個都有車，不過有車牌下次去旅行都會方便...可以試下租車(BUT國際牌應該要三四之後...)，哈哈，會過癮好多...

Photos on 06Jan2007

新疆菜

New Name...

新既一年，呢個家都要做D裝修...

係歐洲既時候，因為慳錢，去唔同既"景點"都會選擇行路而唔會搭車(不過就算唔係慳錢，我都會揀行路；其實每件事都會好有趣...搭地鐵會miss左好多野)...後尾真係冇錢，想搭車都out-budget...由火車站行去hostel，好彩既就幾分鐘，唔好彩既就個零鐘...(自問幾有方向感，如果唔係真係幾大鑊...尤其是夜麻麻要搵地方訓，仲要孭住個16KG既背囊...迷路都真係幾慘...)

有一日行緊上(雪)山，自己係度諗︰點解要行呢？一路行一路諗...都冇得解...行都開心、行得過癮就夠...

由個一刻開始，我就諗返黎既時候要將呢度改成 - Keep Walking

哈哈，唔係賣廣告，真係突然間好想用呢個名...不過我本身都幾鍾意Black Label...因為佢用過R.Baggio賣廣告...

其實佢都幾襯呢度(有D意思)...

On the Road -> Keep Walking -> ???

新既一年未必日日都會有post，不過我會盡量post番旅行既趣事(其實冇咩...v___v...對大家黎講)；當然仲會有個photo album啦，希望條Broadband快D好番啦！！！

on the road [Archive]

細個的時候好鐘意幻想，成日諗住大個左之後的生活—貌似Marlboro廣告裡面的男主角，自由自在，到處流浪，想去邊就去邊......

Welcome back, REALITY!!!

由依家開始，返番"正常"既香港生活！！！

Another good meal...

尋日去左食新疆菜(Lunch，係HKU附近)，順便影左幾張畢業相...頹影...

恭喜阿Muk你終於畢業...

夜晚竟然食PIZZA，雖然我係歐洲冇咩食過，不過都冇諗過咁快食西餐...

捱左晚通頂...好倦...

近排好難先入到黎出post...所以旅行d相同日記都要有一段時間先post到出黎...

The 1st perfect dinner in HK

終於好番晒！！！

YEAAAAAAAAAAAAH!!!

^__________^

多謝各位同我洗塵！！！

呢餐係我返香港已黎食得最好既一餐...唔使再食白粥白麵包...正呀！！！

=D~

better now...

總算好番好多...今日只係食過白粥同白麵包...so poor!!!

so poor...

始終都係要睇醫生...

感冒菌入腸...要抖番兩三日...

I am BACK!!!

返到香港啦!!!

超黑仔，除夕病到依家...冷親(又可能食錯野)...又疴又嘔...(兩個月黎第一次病...揀正除夕...)

可能食左兩個月麵包個胃唔鍾意，清一清佢返黎食好野~~

返到香港第一個感覺係好似離開左幾年咁...雖然只係離開左兩個月...