2007-02-13

自從開始左呢度，就好鍾意去睇人地既Blog...睇下人地既生活，夠竟人地每一日係點過既呢？生活得開心嘛、滿足嘛？依家得閒無野做...就周圍去八掛八掛...

咩為指一個理想既生活呢？反而到依家都唔係好攪得清楚自己想要一個點樣既生活...

有一期想做到所謂既中產就OK...為自己既仔女成為上流社會一員做一個準備...哈哈~
又諗過話唔使搵太多錢，有自己既地方住就好啦~
仲有就係想做老板，有自己既生意...或者走去學廚...
或者有一個開心完整既家庭就好OK...一仔一女就PERFECT...
好善變...

真係冇諗過依家咁自由~ (依家連份工都唔困身 ^___^') 好似可以再揀一次咁...

諗一諗，呢一刻最想既...就係周圍去，去唔同既地方，最好就係來過"地球深度行"(三分衝動，三分想偷懶，其他係認真既)...訓係草地晒太陽(仲要艾住串魚蛋)，騎住電單車周圍去...哈哈！如果我依家仲係20歲就好啦...大學個時去果兩次去旅行真係好正，仲記得"尋找他媽的牛肉麵"...果時算係最自由~

原來一路以黎既注意力都係唔岩timing既...直到依家都係...依家好想做返D任性既野，不過身邊既人都已經變得好穩重啦...要識下D新朋友陪我癲...一路以黎都明白自己係一個隨波逐流既人...自問決心唔夠，有咩夢想都只係齋吹，藉口就係周圍既現實... -_____- (仲有嚴重既惰性)

俾人話過我以前眼中只有女朋友，回想番...冇得否認...哈哈哈！！！

不如組織一個旅行"團"，咩人都得，我最冇所謂...每年去一至兩個trip...一至兩個星期...咁應該好過癮，有時就算去唔成，出黎吹下水去邊到玩都已經好過癮...

黎緊首先要諗諗許生你呢個告別單身旅行團...諗番舊年威哥個次真係好削...今次要早D傾...我仲未同過你地一齊去旅行呀... -_________-

恭喜晒！！！諗到你應該好型，好難忘~