tired weekend...

好倦呀...話咁快就過左呢個weekend...

星期六終於做左返工以黎第一個Task︰就係去踢波...哈哈！公司既 Intra-Dept League(個名我作既)...我可以打中場中呀...仲射入左第一球...勁！(<-- 自大認叻...) 結果嬴2-1，順利完成任務，好既開始...

當然，打中場中既代價就係︰跑到你死...上上落落...好倦...

場波係何文田踼既~ 難得出左街，當然唔好咁快返屋企啦。係咁意沖個涼就落CWB行下街，順便羅埋2張門徒既免費飛(one2free送既)。但個位好唔掂lor...第五行最右邊，點睇呀...年三十晚23:55...睇下有冇人有興趣啦...

都仲未買衫過年，其實今季冇買過新衫呀 -_______- 但踼完波又唔好意思試衫試褲...過兩日再行過啦~~

順便幫人羅曲奇餅...好似叫Jerry & XXX...幾好味架喎原來~ 我都要左一盒...

本來有人話打牌食飯，但又3缺1...飯局雀局都取消...歸家食飯~ 都好既，今晚可以睇曼聯~ 到左曼聯差唔多開波，又有電話黎話搵夠腳...真係丫...曼聯最後都嬴2-0...好！！！

打到今朝8點幾都係打左12圈咋...超眼訓...咁就打左一晚通宵牌...最尾輸左$32...T___T

食埋個早茶先返屋企，成間茶樓最後生都係我地四個...

訓醒諗起聽日又要返工lu...TOO BAD...


眼係靈魂之窗，你自己小心D好~ GET WELL SOON！！！ 不過又令我諗起我細過讀幼稚園既時候都做過獨眼龍...因為有個女同學用支完筆篤我隻左眼(我唔記得係咪我"串"佢)...就係咁變左一陣獨眼龍...好彩冇事...