兄弟既大日子...

恭喜恭喜~ 今日係JWong既大日子~ 總算順順利利，都算非常成功~

太感動啦~ 係度衷心祝福佢地~ 同埋都要讚一句︰JWong，型呀！！！

仲有要多謝你呢餐，$1000食一個appetizer，呢個都好感動...哈哈

太平山海鮮拼盆加龍蝦 $1000,
1982 Lafite Rothschild $2200,
美國 Prime Steaks $988,
此刻無價...

(如有誇大，實屬無聊)


又一個啦...剩番3個...幾時到我呢...？

《the Holiday》

實左太好睇~

個故仔從兩個女仔既生活出發...所以男既未必鍾意~

不過我就好鍾意啦(尤其係近排咁dry)。整體感覺好好，現實得黎又唔會太誇張，唔係sell天長地久，唔係sell至死不渝...簡簡單單既愛情喜劇，最重要係故事令人覺得有機會發生係自己生上，令人有一種好夢幻既感覺...

Jude Law出奇地靚仔，最鍾意佢岩岩遇到Cameron Diaz果段...而搖滾老師(唔知點解好記得佢school of rock既造型)都預左佢係攪笑既...不過佢戲份比較少...因為多個左阿伯，霸左Kate Winslet好多時間...



冇入戲院睇真係對佢唔住...真係想睇多幾次，不過要訓la

我都發緊夢...

...you are becoming one of the most interesting girl I ever met...

...the most interesting girl award...(u hv got mine)

* repeat

不停番睇我最愛既漫畫...

不停播放Eric Kwok & Janice既歌...

NO TITLE

潮濕，好潮濕，非常潮濕...

仲要著住裇衫西褲，好辛苦。放工拿拿聲返屋企，換過晒D衫...

籌備緊復活節假期既活動...有諗過去旅行，不過似乎唔係咁易上到機...又唔識路返大陸(同埋都驚好危險<-超抗拒)

暫時點都填唔滿呢個長假期...

next happy fri...

henry 說:
Date: Coming happy friday
Venue: Karaoke Room
Participant: All Old and existing ME staff
Activity: Sing, Drink, Drink, and Drank
Fee: This moment .. priceless
VIP: Ray Chan
PIC: Henry Kwan

2007 12th weekend

近排都係太無聊啦，冇咩細藝...

本來諗住happy fri搵人吃喝玩樂一番(主要係想買醉)...好過係屋企hae...可惜唔成團...好彩最後都有人肯同我無聊一番...結果開左兩支酒，真係唔好意思...要你陪我飲...

我真係冇咩事，只不過係生活太過苦悶，想搵人飲下野...

同埋近排覺得星期五坐係屋企實在太浪費...下星期繼續...

......

星期六，約左班兄弟dinner，傾大茶飯。食飽飽就各自搵節目；我之後走左去開枱。打左晚通宵麻將，冇嬴冇輸啦，不過次次都係mayyam嬴，真係有冇攪錯呀！！！下次要去雀會...唔可以俾佢再佔到地利...

JWong，預祝你馬到功成~

......

星期日，例牌在家hae...感覺好爽~

睇左套《我要成名》，正！！！(想睇好耐架la)

其實個故仔都幾簡單直接，不過係我鐘意既橋段。成功過後遇到失敗，迷失中搵番目標，再奮鬥...都係老套架，不過我受...都有好多感動位架...

加上劉青雲真係好正！！！(《暗戰》都係...)

其實《我要成名》真係好似佢既事業上既寫照...可能真係唔夠靚仔，冇咩人緣...而戲裡面其中有一句我覺得好應既︰『排隊都排到你啦...』，希望今年係你既，不過唔係排隊排番黎~

我都幾唔明點解成日都係梁朝偉做影帝(唔係話佢差)

佢既戲我都鐘意，只不過我真係唔明點解佢搭親王家偉都好似sure win...SORRY，我份人比較膚淺，唔識欣賞...

《戰狼300》

星期四果日睇左《戰狼300》...結論係希望愈大，失望愈大...

我開頭諗套戲會塑造一班英雄出黎既(我最鍾意英主意)，睇落就完全係另一種feel...

以戲情黎講，果班人應該只係純粹被訓練出黎戰鬥，從來都冇講佢地有好強既民族性，要保家衛國...同埋幾廿年都係一條友孤伶伶，應該好孤獨先係，唔覺佢會咁鍚個老婆...人性果面唔夠，所以唔似英雄，只係一班好戰份子，所以感動唔到我...

而且我覺得D畫面太造作，經常強化左D血腥畫面，個頭被人斬左都要飛上半空轉下轉下加大特寫...擺明show CG有幾勁...

ANYWAY，完全感受唔到果種激情...

令我諗起另一部都係講戰爭既電影︰Orlando Bloom既《Kingdom of Heaven》...感覺都係為打而打，而且劇情拖得好慢好慢...悶...

on the road - 2006/11/19

Barcelona -> Madrid...

10:45去到火車站，想搭11:30班車去馬德里...嘩，full晒，有冇咁好彩呀...下一班火車要等到13:30，仲要淨番1st class，要另加€23.5，好唔抵...再下一班要等到15:30...本身淨番兩張Metro飛，依家有用啦~

上左火車又發現漏左罐沙律醬係Hostel...

Lunch同dinner都係食飽...多謝阿Kate送左3粒糖俾我，成個trip第一次食糖...

Madrid...

夜晚8點幾到馬德里，好彩間Hostel都唔算好難搵，settle down左都係9點幾，行下夜街先...

Madrid既夜晚都好熱鬧...

正想行番Hostel既時候，有個人走埋黎say hi...佢問︰『Japanese？你好嗎？...』先用普通話，再用日文...我又應佢喎(用普通話)...

諗住講兩句就算啦...我諗陌生人都冇咩所謂啦...

佢話佢係法國人，係里昂出世，去左巴黎做野，依家黎Madrid旅行...

講左一陣(我地由街頭行到街尾)，我諗住番Hostel...佢話不如飲杯野先啦，我開頭都話唔去既，我話要慳錢呀...佢又話︰『唔係信我唔過呀？...我請你啦...』

冇計啦...再無藉口...唯有去啦...

佢都幾好傾架，我地咩都講...佢之後約我聽日一齊行街食飯...又話如果去paris，可以搵佢，佢俾地方我住，佢仲話聽日俾個地址同email我...

埋單果陣，我都諗住俾錢(AA)，佢話講好左佢請架嘛，叫我收番埋...多謝喎...約左聽日1點M記門口等，我諗應該都冇咩野既，係怕同人一齊食飯洗大左(仲要係外國人添)...驚out budget...

我諗佢唔會呃飲呃食掛...唔通會請我飲酒，屈我請食飯？哈哈，聽日就知...


火車：巴塞隆拿 -> 馬德里...

後記︰就係落街行一行，令到我成個trip好唔同...如果唔係要搭15:30班車都未必有事...

on th road - 2006/11/18

Barcelona...

今日上山下海，睇過日落，行過商場...雙腳好攰...

個人工海灘好型呀！加埋我包薯片同好靚既Sunset...如果係夏天就perfect啦~



今晚唔食沙律，本來想食丁丁pizza，最後揀左丁丁飯...普普通通咁啦...

星期六...依家先發現睇波係唔使捱夜...

睇睇下電視，華倫西亞對西維爾，俾人趕走...明明仲有成個鐘㕑房先CLOSE...對下錶，原來隻錶慢左個半鐘，唔怪得今日D時間好似怪怪地咁啦...俾尋日快左個半鐘日落...原來係咁...

今晚得我同阿Kate同房，其他人走晒lu，聽晚佢一個人霸晒成間房添...

Barcelona真係幾似香港...好有呢種感覺....

聽日要離開巴塞，好唔捨得家樂褔...


影"影"

on the road - 2006/11/17

Barcelona...

今日可以訓晏少少...因為想訓晏D...

好失望呀...天陰...仲好似想落雨咁...

TODAY 1st TARGET︰巴塞隆拿主場 - 魯營球場

有一股熱血去參觀球場...有諗過可能咁岩得咁橋撞正佢地既練習時間...見到細哨...同佢影張相...(不過練習好似唔係open to public...)

入場費只不過係€11，好抵！！！

真係落雨...好唔開心...

今次係我第一次去大球場...我O係香港都未去過香港大球場...未睇過賀歲波；而且香港近年既足球事業...不提也罷...(我細個都追球迷世界架...呢個topic都可以寫篇癈話...)

如果有十萬人一齊睇波應該會好正，可惜要到25號先有賽事...



之後行左去一個叫Park Guell既地方...

行行下，突然間有一把聲"Hi"我，女仔黎既...都幾奇怪(冇諗過係叫自己)，轉身望一望...哦，原來係佢...其實我都認得佢，佢係同我住同一問hostel...我地係reception都有一面之緣....佢係日本人，叫suki，佢話佢都認得我，於是乎我地就一路行一路傾...

佢係日本大學生(個樣好細個)...佢對香港好有興趣，應該係對中國文化好有興趣。佢對高迪都好有興趣，於是乎，全日就跟住佢行左高迪一日遊...

Park Guell都係係"高迪"既作品之一；我本身梗係唔知高迪係邊位啦，只係睇西歐遊講過下咁，本書話高迪係著名既天才建築師...本身我只係對"高地"有興趣，不過今日睇過佢既作品真係幾特別，如果以以前黎計，都好厲害~


高迪既作品之一：Casa Batlio
係呢度仲有阿伯同我地講高迪既事...佢又用英文又Spanish...一定明啦...

on the road - 2006/11/16

Barcelona...

好凍...唔蓋被訓覺真係唔掂...

早餐好"雞"...

唔沖涼住...落街認下路先...順便羅地圖同揾laundry...

去埋家樂褔搵食，整左一大碗沙律...好平、好抵、好好味！！！

其中一款最美味既晚餐~


沖埋涼，好爽！！！乾乾淨淨...最後都係要用hostel個laundry service...

頂！只accept €1 coins...hostel又冇得唱...行左好耐，都搵唔到地方唱零錢...

唯有再去家樂褔買野，迫佢找€1...家樂褔D野真係好鬼平，可惜既係冇咩熟食可以揀...間hostel又淨係得微波爐...咩都煮唔到...

其中一樣favourite︰朱古力musse，超抵，只係€0.17，又好味喎，食幾多都得啦~

嘩，一支1.5L既水都係€0.2，尋日果支500ml要成€1.2呀...18倍既價錢呀...(雖然只係$10上落，但感覺唔爽...)

好想係巴塞踩單車，感覺應該幾正~

呢度地方好大，好舒服...好好feel~


所有野都排得好整齊...­好colorful...

唔知想點

進入左無聊狀態...

做咩都提唔起勁...懶洋洋

唔想又想...都唔知想點...

滙豐假$1000蚊紙

本來呢單野都唔係好關我事(我通常唔會有多過$1000 Cash 係身)，不過就俾阿媽佢發現老豆有好多私己錢...哈哈！

老豆平時出糧都會俾晒阿媽，所以老豆有幾多錢阿媽都暸如指掌...

呢單野一出，老豆都要摷晒D錢出黎check check有冇假野。佢又懶得自己去銀行，唯有向阿媽"報案"，等阿媽幫佢搞...如果唔係呢單假銀紙，佢都唔會羅晒D錢出黎 (仲要全部都係 2000 & 2002年...都有成20張架)

估唔到老豆鍾意將D錢攝係風褸收埋頂帽個位...件風褸每次羅去洗都同埋銀紙一齊洗(真係豪洗)...如果曬衫既時候跌左落街都幾大鑊...哈哈！

哈哈，不過就係咁成為左佢地一件開心既小趣事...

Gary & Zoe

Gary, Zoe, 恭喜晒！！！祝你地新婚快樂~

又做左一次兄弟啦...

飲多左真係唔掂，今朝起身好頭痛...

睇番D相，發覺自己又斷片...仲要唔記在好多野添...


呢個位我已經完全冇印象...好大鑊...

Annual Dinner

星期五公司Annual Dinner...我個happy friday就咁就冇左...

因為個dinner係堔圳XX酒店搞...雖然係buffet，我完全唔敢食生冷野...

除左食個飯...我地既CEO仲整在一個好沉長既presentation...好彩由於時間關係，cut左一半，哈哈~

餘興節目竟然係有人出黎唱歌...好似因為舊年有個同事唔知咩原因走上台唱歌...變左翻版學友...咁今年又出黎唱...仲要變成唱K比賽...

翻版學友真係唱得幾好聽...

不過最搞笑係有個堔圳既同事唱《我真的很不錯》，淨係聽到首歌個名已經爆笑...佢既台風同埋個MV真係"正"...佢參加殘酷一丁一定掂...

CDs

好耐冇買過CD...仲要買左兩隻添...兩隻都唔係新出既...

第一隻係...Eric Kwok《廣東大碟》

想買好耐架la...Eric Kowk 既一首《應承》已經令我好想買(依家俾我聽到爛)...但最估唔到我會因為《囉囉攣》而走去買...經常係903聽到呢段...

是我每次見你每次我好比中毒
是我每次抱你每次我都想繼續
是我每次吻你每次我不可制伏
是擁有慾

真係好好好鍾意...哈哈。聽Eric Kowk 係由Swing開始...1984, 大大公司...而呢隻碟D歌就好唔同，好口語好廣東話(哈哈，所以係廣東大碟)...首首歌都好入耳...唔會想飛歌...D編曲添好正，好鐘意。


另一隻係衛蘭《"DO U KNOW..."》

26年以黎第一次買女歌手既碟(冇記錯應該係...以前只會買Beyond、學友、安仔既碟) 冇計，把聲真係好sweet...有可能首首歌都執過，又或者攪大左echo...但CD既佢真係無敵...加埋Mark Lui，包裝得又好...呢個image真係殺晒...點都會落搭啦...不過真係好好聽，好有feel~

好想好想去佢演唱會...聽佢唱live...

估唔到放落電腦聽會有"意外收獲"...我估係為左防止dup碟...Anyway，咁都幾特別，幾吸引~


總括黎講，呢兩隻碟真係好正...正正正！！！

long time no here

好耐冇上過黎...足足有五日咁多...

因為好忙同好攰...不過都差唔多攪掂，執埋d手尾就OK...今日可以偷懶半日咁多~
做多份真係幾辛苦...再加上臨急抱佛腳(呢個最致命)...真係救命...(我諗瑪姬日日都暗暗咒罵緊我...哈哈)
本來都費事係度講咁揚...驚俾依家D同事知道，不過算啦，唔理...如果有一日我個MSN冇左頂頂條link即係話我add左新同事落去...哈哈

上個禮拜咪sick leave既...因為訓到不醒人事...起身都成11點，仲要唔係自己醒，係好彩有個agent打黎想介紹個job俾我先嘈醒我...本來都諗住返工，諗諗下，返到去都Lunch啦...又唔係好多野做，所以請一日sick leave...我仲未過probation，唔理...其實唔打返去可能都冇人知我冇返...

點解假sick leave叫"射波"呢？好想知...YAHOO知識都有人問...但D答案又唔多似...


依家返工真係好唔實在...

準時返工，準時放工，唔辛苦(最辛苦係冇野做lor)...工作唔難應付，只係好多email同paper work...人事唔複雜，同事唔難相處(但一定唔會係好friend果種)...加埋係contract，仲要坐個摺位，更加唔會有人理...

從來都覺得返工好需要成功感，如果唔係每日都好似返工等放工...等出糧...好無癮...

我既成功感係咩呢？

能夠令人地對你有信心，認為你靠得住；我會為呢樣野而感到沾沾自喜架...
唔係話公司冇左你唔得...只係希望証明到自己有能力，得到人地認同...(我自覺係果種希望樣樣都可以做得俾人好...或者要做到最好)
或者要施展渾身解數去做每一件事，攪掂左感覺會好實在；做耐左，就會有好多得著，而且會發覺自己去到另一個層次...就好似每個人都會為自己既極限劃一條線，而且劃在比自己極根更早既地方；要不停咁推前，先會知道自己可以去到幾遠...

依家就...好似渾渾噩噩都可以過骨...可能只係我自大，睇輕左份工，要俾多D時問先知...

前兩日BB打過黎：都有少少心動架...唔係為錢(冇未傾過條件)，只係覺得果度返工會實左D...自問可以承擔多一點；呢兩個禮拜返ME真係幾開心...好懷念~


多出黎既時間要好好計劃一下；不過，經常都係幻想得太多，努力得太少...


呢幾日要訓多D，星期六要做兄弟；呢幾日都唔敢食朱古力...驚爆倉...

FW︰請在MSN加上

FW︰請在MSN名字前加上

大家可能會發現最近會看到朋友清單裡多了一個從來沒看過的圖示，當初還以為只是新增的表情符號哩!沒想到居然是個很有意義活動！那麼到底是什麼呢？這裡告訴你！現在就算你只是聊聊天也能做慈善! 微軟的即時通訊軟體,也是當紅的即時通訊軟體,在Windows Live Messenger 8.1版之後,只要你在暱稱上面加入可愛的秘密圖示 ,以後你跟朋友每聊一次天,微軟就會將部分廣告收入捐給紅十字會、愛滋病協會等的慈善或福利機構,而且捐款金額無上限,你聊越多微軟就捐越多,而且在第一年每個機構的捐款下限是十萬美元,所以大家趕快加入 ,跟平常一樣聊天就能做慈善,何樂而不為呢！

如何加入有意義的表情符號?

1。開啟Windows Live Messenger 8.1 主視窗 ,在顯示名稱的地方開啟下拉選單,點選 "選項"。

2。打入下列特定碼，就可以顯示圖示，雖然圖示都相同，但是背後會根據你所打的特定碼把捐款捐到特定的慈善機構。

特定碼 機構
*red+u American Red Cross 美國紅十字會
*bgca Boys & Girls Club 兒童群益會
*naf National AIDS Fund 美國國家愛滋基金
*mssoc National Multiple Sclerosis Society 國家多發性硬化症學會
*9mil ninemillion.org 國際兒童難民援助組織
*sierra Sierra Club 山巒協會(保護自然生態的)/地球環境協會
*help StopGlobalWarming.org 防止全球溫室效應惡化的機構
*komen Susan G. Komen for the Cure 乳癌基金會
*unicef The US fund for UNICEF 美國地區聯合國兒童基金會
*wwf World Wildlife Fund for Nature 世界自然基金會
*oxfam The Oxford Committee for Famine Relief 樂施會
(協助解決當時世界各地饑荒及貧窮問題)
*care 國際關懷協會
*hsus The Humane Society of the United States 美國人道協會
*acs American Cancer Society 美國癌症協會
*one ONE Campaign-全球消除貧困與對抗愛滋的組織(GCAP)


剛開始大多都為美國的機構，希望國內的慈善機構也可以來響應

按下"確定"儲存妳的暱稱，現在起，你每聊一次天都可以做善事囉！！

你也可以到"Get Involved"網頁取得一些推廣小貼紙，把它們貼到你的部落格的自訂欄位裡，把此活動傳給更多人知道。

相關網站 :
官方首頁 : http://im.live.com
Windows Live Messenger 8.1 正式版 下載網址:
http://get.live.com/messenger/overview
Windows Live Messenger 8.1 詳細功能解說!

Sick leave

終於都係要請一日病假...

Haagen-Dazs

正！！！

九型人格！？

呢個terms係上兩個禮拜日睇星期日檔案留意到既...岩岩果個星期日檔案仲講緊呢樣野...

開頭都唔係點留意...咁橋見到身邊有人睇緊相關既書，咁就燎起左我既興趣...(我自問都好了解自己，每次做呢類型既測驗都只係進一步肯定而已)

最簡單既做法就梗係問Google啦...我估實有人將份test搬上網既...(結果係有，但唔多)

揀左份最簡單既試試...

結果係...

第 三 型 ： 成 就 型 (Achiever)

你 精 力 充 沛 ， 總 是 動 力 過 人 ， 因 為 你 有 很 強 的 爭 勝 慾 望 ！ 你 喜 歡 接 受 挑 戰 ， 會 把 你 自 己 的 價 值 與 成 就 連 成 一 線 。 成 就 型 的 你 會 全 心 全 意 去 追 求 一 個 目 標 ， 因 為 你 相 信 「 天 下 沒 有 不 可 能 的 事 」 。 動 力 十 足 的 你 ， 最 好 做 leader帶 領 其 他 人 啦 ！

http://www2.uzone21.com/WOT/sdu/enneagram2/index.htm

諗諗下呢D Test英文會全神D...結果係...



9,3,7 都好接近...

Main Type	Overall Self

9 : 和 平 型 (Peacemaker)
3 : 成 就 型 (Achiever)
7 : 活 躍 型 (Adventurer)

http://similarminds.com/test.html

都似係我...我覺得...

miss u sooooooooo much...

尋晚只係訓左兩粒鐘...又要起身返工...

掛住寧靜，掛住無聊，掛住hae，掛住屋企張床，掛住旅行，掛住...享受生活...

肥左！？...

尋晚俾阿媽話︰阿仔，你塊面做咩鬼闊左咁多！？...你得閒磅下重啦...肥左好多咁喎...食少D呀...

心諗︰唔係呀...我都keep住咁fit wor...雖然開始見到少少肚腩...

今朝揀左套黑色西裝返工(呢套甚少著...)，條褲勁緊...食飽D條褲都會爆咁...再照一照鏡，塊面真係闊左D咁喎...唔掂唔掂...

呢排咁忙，又唔夠訓，但都keep住去踢波...應該唔會點肥...可能坐得太多...一日坐成20粒鐘...

要勤力keep fit...

阿Fai，我黎緊呢個星期應該會得閒返D...如果仲有波踢既話可以預我...(岩岩先睇到forum原來咁大件事...)


星期日竟然仲有人上黎拜年...自閉在房中開工唔見人...人地問起請話我訓左覺...哈哈(少少冇禮貌)

通常佢地D話題都係︰D仔都咁大lor，幾時請飲呀...阿媽就會話：都未有女朋友...有排啦...(隔住房門都聽到啦)

曼聯好波！！！

實在太開心啦！！！雲達沙、C朗拿度同埋奧沙~~ 好波！！！

抛離車仔12分~

2007 2nd favourites song

呢排其實有好多歌都鍾意... 論盡、黑擇明、寧願晏D瞓、愛你還愛你，etc...

最鍾意就揀左呢首...Muse 既 Starlight

Far away The ship is taking me far away Far away from the memories Of the people who care if I live or die Starlight I will be chasing the starlight Until the end of my life I don't know if it's worth it anymore Hold you in my arms I just wanted to hold You in my arms My life You electrify my life Lets conspire to re-ignite All the souls that would die just to feel alive But I'll never let you go If you promise not to fade away Never fade away Our hopes and expectations Black holes and revelations Our hopes and expectations Black holes and revelations Hold you in my arms I just wanted to hold You here in my arms Far away The ship is taking me far away Far away from the memories Of the people who care if I live or die And I'll never let you go If you promise not to fade away Never fade away Our hopes and expectations Black holes and revelations Our hopes and expectations Black holes and revelations Hold you in my arms I just wanted to hold You in my arms I just wanted to hold

自己唔識音樂、唔知Muse係咩Band...純粹鍾意...呢首歌幾好聽架~

知道佢地聽晚有Music Show@HK...


如果每個月揀一首歌，咁我年尾就會有《個人十大金曲》...

出糧~

哈哈哈！！！自舊年十月以來第一次出糧~~

要買d野獎勵下自己先得~ 買咩好呢？

on the road - 2006/11/15

Rome -> Nice...

坐車坐左成日。



尋晚搭夜車都幾好訓，有床有枕頭又唔怕賊(因為可以鎖門)...除非roomate係賊...好彩唔係...

起身，原來都成8點幾，架車沿住海邊行...好好feel~

到左另一個非常細少既國家︰摩納哥(應該係全世界第二小)...火車到站既音效好有渡假feel架~

仲有40分鐘先有車(等車轉去馬賽)...周圍行下，順便搵d野食...幾日冇食過"植物"啦...好唔健康...

想搵間超市買盒沙律都冇...行過一間有烤雞賣既肉店，影左張相...個老板竟然叫我寄番張相俾佢，佢話張相影得佢d雞好靚(我估)，哈哈，好攪笑。



Nice -> Marsille...

去到馬賽轉車，又有一個鐘頭等車時間...

揹住所有野周圍行，好重，好熱...仲以為法國會好凍添...

繼續搵"植物"，最後都係見唔到Supermarket...

尋日買既蕉同"食你唔死"餅就成為我既早午晚三餐...

暫時搵到唯一對法國既好感︰火車上面可以叉電。岩岩黎到歐洲真係好奇怪點解火車上面冇插頭俾人叉電...意大利d火車舊就話冇者...但連瑞士d火車都冇就真係差少少...感覺上瑞士d火車好新淨，好舒服...

Marsille ->Barcelona...

21:45到達Barcelona...第一個感覺係好熱鬧，好旺，咁夜仲好多人...

搵左OK耐先搵到間Hostel，係條巷仔度...問人都冇人識...

Settle down左就落街行下，同埋要搵啖食同搵水飲...缺糧缺水...

行左好耐，去到家樂褔門口，岩岩close...頂！！！

見到有間快餐店有沙律...個牌寫住€1，頂！！！又中計，因為冇問清楚，俾錢既時候成惠€3.8...支水都€1.2...雖然都唔算好貴(旅行價...但o係超市買可以好平)，算啦，好想食...

返Hostel，涼都冇沖就訓左...其實係冇乾淨衫...

第一次用自己既睡袋...因為被同床單都要錢...但我又唔想整污漕佢...因為冇沖涼...好矛盾...


成惠€3.8既晚餐︰一盒扮€1既沙律同一支水


後記︰
我到依家仲未寄張燒雞相俾人...因為要曬出黎，好麻煩...個地址我仲keep住架...終有一日我會寄既...