on the road - 2006/11/20

Madrid...

Hostel有個大焗爐，令到普通既法包都變得好好食~

約左尋晚條友13:00點係M記門口等...諗左成晚，冇理由咁冇品放飛機既...

時間尚早，可以自己周圍行下先；先去馬孛廣場羅份地圖，再搵火車站，好彩都唔係好遠...問埋點去segovia同train schedule...聽日既行程

竟然有一個森林係個火車站裡面...


兜左個大圈有D唔想去搵果個法國人...又唔好咁衰，係咁意都浦一浦頭

其實我鐘意自己行多D，驚佢去唔知邊到，唔想去又唔好意思say NO...好麻煩，而且佢只係一個男人...最後都係準時出現...

等左10分鐘，見佢冇黎都有少少開心，想走架啦，一行出門口，就見到佢...

佢先同我去飲野，我又想同佢影相，不過佢話間bar唔特別，唔靚，唔想影，佢仲話今晚會去間好靚既餐廳，有酒有女伴先影啦，我心諗佢可能真係唔多鍾意影相，無謂免強...

飲左一支喜力，今次我俾，我話上次佢請，之後佢帶我去食lunch...

佢話去旅行真係平有平去，貴有貴去，睇你識唔識搵好local既地方~ 佢仲話同佢周圍去，一定平靚正。

去到一間餐廳，外面真係幾多人排隊，佢話有人排隊先係好野...

我睇睇個menu，真係唔貴喎，我覺得好平添...€7.5/8.5已經有set lunch有頭盤、主菜，紅酒同Dessert...幾抵~ 仲要幾好味添~

飲左支紅酒，件tiramisu好好味~

食飽飽，無目的咁行左一陣，又去飲酒...

之後搭巴士唔知去左邊，原來又去飲野...

之後又轉地方再飲...

我心諗佢一個大男人，唔想周圍去，搵我陪佢吹下水...都OK既，好過去D我唔想去既地方...佢都真係幾好傾既...

之後再轉地方，行過一個電話亭，佢話叫多兩個friends出黎，女黎既，問我O唔OK。我梗係話OK冇問題啦。佢先用佢張credit card打電話，不過唔知點解，佢話唔得，之後問我借我張card，我本身都有D猶豫，不過心諗佢唔會用到既，佢冇PASSWORD，而就算明搶，我睇住架麻，即刻報失都冇問題啦，唔會有損失，而且，要搶晨早就搶左啦，用左佢兩日時間攪單咁既野，都好嘥時間o者...冇事既~

所以我就羅左張卡出黎，佢叫我禁password，仲話會寧埋一面唔睇，冇所謂啦，我都係亂禁架者，最後我用左我身份証號碼...當然唔work啦...

咁佢就問我仲有冇其他card...我唔知點解好容易羅埋張提款卡出黎，當然禁password既時候又係用身份證號碼啦，又好正常係唔work既...

正當我收番埋兩張卡既時候，佢就話我咁樣放D卡唔安全...因為我唔係放係銀包，而係放左係一個尼龍造既卡袋，不過個袋既一面係網狀既...於是乎佢就羅左張紙巾出黎，羅左我兩張卡放上去，包好(整果過程我睇住既)，俾番我袋好...OK，冇問題~ (後記︰應該就係呢一下俾人"祈福"左)

之後我地再去飲野，先飲酒，再飲茶...當我去洗手間出返黎既時候，唔見左佢。

個一刻都冇咩特別既feeling，反而有D開心，因為唔使再去飲酒...係可惜係冇去睇flamenco...

行過家樂福，買左D野就返Hostel...一撻落床就訓左...


騙徒對手...SHIT...


後記︰去到呢度，我仲未知冇左張卡...而呢篇野係第二日先寫既...