All about ManUtd

經歷左一個大起大落既周未...

星期六晚...

本來都好想搵人去街街，最後都係留係屋企...因為19:45...

愛華頓 vs 曼聯...而同一時間...車仔 vs 保頓...

最好既選擇係搵人出街睇波...但似乎大家既屋企都有得睇...冇得揀...

開波前，曼聯領先車仔3分...

開波...

先係曼聯落後1球...OH，個心沉一沉...

冇耐，車仔都落後1球...心情都好番d，繼續為保頓打氣...

又冇耐...車仔追平，好快地，反超前添...好灰...

最灰既係曼聯冇咩表現...感覺唔到佢到有入波既機會...

半場係 愛華頓 1-0 曼聯 而 車仔 2-1 保頓...如果最後結果不變，曼聯冇左3分領先優勢...

下半場，開波冇耐...曼聯落後 0-2...心情直插入谷底...

知道車仔被保頓追和...得到小小安慰...如果結果係咁，都算數...

就係呢個時候，曼聯終於表現番"真正"既曼聯...

2-1...心裡面暗叫一聲︰"好"

2-2...振臂歡呼，叫左一聲︰YES！！！

2-3...成個人彈起身，大叫左出黎︰YES！！！YES！！！YES！！！

2-4...搞掂！

相信每個曼聯迷都經歷左咁既一晚...30分鐘內，由地獄上番天堂...而且興奮到極點...

相反，車迷就...因為車仔最後和波...

最後，曼聯領先車仔5分...


當曼聯落後緊既時候，我相信大部份既曼聯Fans都呼喚緊C7...費sir應該留力打歐聯，所以呢場佢冇正選...

等到佢出場，真係有一種一定可以追平，甚至乎反勝既感覺...當然，其他球員既努力都好重要...

不過，呢一刻，佢真係確確實實咁揹起左件7號球衣...


認真既︰如果俾車仔四冠，以後唔睇波。