Timing唔岩

尋晚訓唔著，起身睇波...其實睇左前晚果場超正既曼聯，果兩場又點會吸引呢...

結果一邊聽住講波佬講波，一邊web surfing...

估唔到，我竟然o係個forum同陌生人傾計...變左電車男...

其實同陌生人傾計感覺幾好，雖然好陌生，但又好好奇...好似可以扮另一個自己咁，講咩都得，又可以亂噙一通，好似唔洗負責任咁...(不過我都冇咁做，過唔到自己...正如樓下既分析︰我太在乎自己既形象啦...我唔可以俾自己亂黎... )

平時同班friend傾計好似已經有一套特定既模式，講既話題就係太正經，太有意思，有時又會有所避忌...到左呢一刻，反而想做D低能野...(好似精裝追女仔咁，愈無聊愈好...自己租隻碟睇睇)

結論都係，太細個有女朋友(個個都係)，都唔使同friends share...唔講開咪唔講law...大家心照就夠

好想突然同個friend講，我好無聊呀，出黎飲杯野丫...我真係想咁做，不過做唔出...因為我明白，生活已經有一套模式...真係明白

暫時冇左一種約定俗成既責任，可以放縱一下自己...

就好似正經左咁多年，要發癲呀！！！我仲記得我地都話過要試一次飲到爛醉街頭...哈哈，都好似係好耐既事lu~

似乎我真係傻左，做D野愈來愈無聊，好似個十o靚歲既o靚仔咁...

只可以話Timing唔岩...

幣！咁快就有一種失去左青春既感覺...

我好後生架咋，只係廿幾歲...雖然就快+1...