Priceless

一套好好睇既輕鬆愛情喜劇...

由誤會而開始既愛情故事...又黎一次"橋唔怕舊，最緊要受"...

男主角真係超戇居，但又令人好感動...女主角就梗係正啦...尋尋覓覓...兜兜轉轉...

我鍾意呢種感覺...搵到自己最鍾意既野...

愛上裡面既柯德莉塔圖...


呢次應該係我第一次睇法國電影，之前未睇過天使，因為我俾佢個造型嚇親...我都係prefer靚靚既女主角...

Hors de prix...

珠光寶戲個名改得唔係幾好...

UST Cruise Explorer

科大Alumni Day...HKUST Rotaract Re-Union Day 2007 x2...

呢幅真係全日之重點...

限載四人，但坐左14人...

吹完海風...黏黐黐

Thanks to 拋彩虹王...

the end...

睇完《Feel 100%》結局...出奇地好呀...

許樂同Jackie一齊真係好合理...睇到我好感動呀...

其實書裡面既關係都好現實...唔好勉強自己...始終最吸引既都係能夠感覺到大家默契...

搵到投契既另一半真係好好彩...

好鍾意許樂最尾個造型...太有型啦...

俾D耐性吧...

1st time in HK Stadium

第一次去香港大球場...靚位黎架...廂房層...

場波都算係咁...

費蘭度托里斯...真係唔多掂...12碼炒粉...買王子返黎都係商業價值高d...

萬眾期待既謝拉特86分鐘先出場...掂得果三腳波...

最勁既都係占士...令到全場利物浦fans好失望呀...哈哈哈

完滿既結局

真係好有FEEL...

病左...

唔知係咪食錯野，可能係碗生牛肉金邊粉累事...

攪到尋晚病左...有少少燒，食左兩粒藥就訓...訓左成晚..

晚飯都冇食...食唔落...

『呢個仔一停低就知發生咩事，九成九病左...』

呢句係阿媽成日講既，細細個跳跳扎...如果一唔出聲就肯定有問題...

本來今日想借d以請病假，因為今晚去大球場睇波...6點開波...點早走都趕唔切...

但又唔想去睇醫生喎...因為睇醫生就要食藥...食藥就唔可以飲番兩杯...就係咁，所以冇去睇醫生...

依家就等緊放工，一陣飛的過海...

小心"祈福黨"

岩岩睇到，可以share下...

我11月張statement(只列一部份)...

我記得我當日睇既時候係一蚊都冇得淨...得番一個shocking 0...不過可能係exchange rate既關係，返到黎仲有HKD$59.2...

小心"祈福黨"...

Feel 100%...

終於有消息啦...今個夏天終於有結局睇la...

夠竟Jerry同許樂會點呢？唔覺唔覺都睇左13、4年...

好似我所有好鍾意既野都有個ending...淨番Manchester United...

NO TITLE

超眼訓既星期一...可能呢個癲倒既節目表...平日唔出街既我又出街，happy fri反而摺埋係屋企..."正常"既星期六，休息既星期日又冇休息...

星期五已經好乖地訓左十幾粒鐘...因為知道weekend有街去，冇得訓...所以儲定sleeping hour...

星期六本來好想去行街...好多野想買...又想去書展，捧番幾本書返屋企...不過諗住夜晚飲野，費事羅住堆戰利品...好麻煩...勁怕麻煩...結果，冇買野，都冇飲酒，反而開左Get A Life演唱會，沙晒把聲...唔知點解，同你地飲酒總係提唔起勁...似乎都係ME班酒鬼最夾...

好似訓左一陣，又要起身...終於去到Gary間屋，順便同"煎煎"慶祝生日(SORRY，我真係唔記得佢叫咩名...)Zoe既手勢真係冇得頂，我最鍾意就係個甜品啦(唔記得係煉奶溝x奶)...不過，主菜都係睇番四仔既經典Mary look...真係好嘔心...

...去親人地屋企都好有衝動搬屋呀...唉...

Die Hard 4.0

咁黑仔...應該早d返屋企...不過約左人睇Die Hard...

好彩黑唔晒，呢套可以話係近期我睇過最好睇既電影...

我唔係一個Die Hard 既 Die Hard Fans...又唔係特別鍾意呢個series或者果幾個主角...

如果你接受到主角係打不死身...(我OK...因為我崇尚英雄主意)

如果你唔嫌Bruce Willis老左d...(算啦，唔好要求太多，因為都冇咩邊揹得起呢個角色...)

如果你唔係唔鍾意Maggie Q...(唔知點解我覺得有好多人唔多like佢)

如果你唔怕太暴力太血惺...(我隔離果個睇到闇晒眼)

咁你就會覺得好好睇，值得俾錢入場...

驚險刺激...好快就入到戲...

劇情黎講其實你未入場都估到七八成...但誇張得黎都算合情合理...交代得恰到好處...

笑位又岩岩好喎...唔係爛gag亦都唔突兀...

有maggie Q呢個女角都算係咁...睇佢俾人打果幾下真係要嘆一句︰都唔識憐香惜玉...

highly recommend...


再食金滿庭...食唔到冰鎮芥蘭...又冇手撕雞...不過叫左個XXX帶子，又幾好食喎...如果唔使起身返工就好啦...

大凶日

諸事不順既一日...

首先整冧左公司某個website...只不過係12mins...就去到S2級...同班大哥講數咁，雖然最後都拆得掂...但好似俾人十面埋伏咁...好彩有大佬撐住...

第二單又prolong左...自己衰大意，冇check到個file ex唔exist...負責既同事又開緊會...

總之就黑仔症發作...

連Credit Card個簽名都劃花左...

回到中學時代

真係有d似...

計上次大嶼山既18歲，今次都好似返番中學時代咁...型呀！！！

仲掙一個...

Harry Potter and the Order of the Phoenix

上個禮拜五睇左...Sor...

真係一集不如一集...不過呢集既小說留在太多伏線...太多野要交代...所以都冇咩期望...

張秋真係唔掂...是但搵一個都靚過佢啦...反而露瘋子個感覺好似...有D鬼異...

算啦，點都要睇睇既...

臨尾決鬥都算有D驚喜，唔知Dumbledore vs Voldemort果段係IMAX睇會點呢...

好想...

發覺自己真係一個好情緒化既人...

有時真係控制唔到自己...

有時好想唔返屋企...好想飲酒...好想聽歌好想K...有時...好想花下精神時間心機氹下人...

有時唔想太過認真...

有一刻好想做一個不負責任既人...

...好似好過份咁...

好想要一個臭味相投，帶我去玩既豬朋狗友...


10日未嘗過酒精...呢個周未要去玩玩...做咩都好...

好想玩，又或者有人話得我岩︰一醉解千愁...


好想靜一靜...好怕俾人煩...

車厘子

* * *

今年最熱既日子(暫時)...著住套suit...熱到"爆"...

阿藍，恭喜晒！！！

回家‧睡

zzZzzZzzZ...

睡魔上身

eat -1

多謝大家抽時間出黎...終於排到奧海城金滿庭...奇蹟！

冰震芥蘭...正！！！

9月又去布吉呀...

...

放工歸家，又開部HiFi聽歌...

感覺很好...

時間過得好快...

* * *

其實只係想話...呢一刻，好想有人同我share呢d時間...(麻甩d講係dry到蒙左)...

如果妳湊巧經過，就讓我吻一下吧...

* * *

空姐話過︰男人想對妳好，只不過佢某刻想對人好，而妳湊巧經過...

本身都唔覺係咩一回事...咁都算係一種緣份丫...

自問唔能夠咁狠心，天使永遠都打嬴魔鬼...

不過有時我都想做下衰人...

羨慕...

又聽到有人去澳洲working holiday...實在太開心啦...

我都想搵個咁既老婆呀...哈哈哈

諗到都開心...

這一刻...

如果妳湊巧出現在我眼前，我一定會吻下去...

週"沒"狂熱

冇出街...

想靜靜地過週未...

呢係週未只係聽歌同睇碟...

聽左三隻學友既碟...

真情流露
等你等到我心痛
我與你

全部都係CD黎架...都擺左十幾年...

其實好想搵人陪我食飯睇戲...

變形金剛
Die Hard 4.0
Harry Porter
跟蹤
戲王之王

呢d都好想睇...

有時羅住個電話，都唔知打俾邊個好...

最大鑊既係成面暗瘡呀...黎緊既星期六又要做兄弟...咁多暗瘡點掂呀...都係健康d好...

warning...

陳媽咪發warning...飲少d酒啦...

Happy Friday冇得去Happy Hour...

我最怕俾人煩...

區樂民醫生所寫的手記 (轉載)

有一位老婆婆個子唔高，但係好肥，行路既時侯需要拐杖支持。

每隔兩個月老公公都會陪老婆婆到醫院覆診，因為老婆婆患有高血壓。

某夜，老婆婆左邊身麻痺入院，經過電腦掃描顯示右腦出血。

我如實話比老公公知，佢無出聲，只係無奈咁望住我，淚水已經湧現。

第二朝，意料之外，老婆婆既情況唔係想像中咁壞，而且頭腦清醒。

入院之後既第五日，老婆婆問我︰呢兩日伯爺公點解無黎探我既？

一個實習護士話比我聽，早兩日老公公突然心肌梗塞，住左響對面既男病房。兩老無兒無女，最親既都只係姪仔。

今日，姪仔帶左兩樽果汁黎醫院，先去探老公公，再去探老婆婆。

過左幾日，老公公既病情剛剛穩定，就嚷住要出院照顧老婆婆，經過一番溝通之後，主治醫生諗左一個折衷辦法︰首先老公公換番自己既衫，坐住輪椅，由工友推到女病房門口，而為左安全起見，醫生護士都要跟埋老公公一齊。

老公公蹣跚地企起身，手執果汁，走到老婆婆床邊︰買比妳飲嫁。

老婆婆嗲起黎︰呢幾日唔見你既伯爺公，咩事呀？病左咩？

老公公微笑︰唔係呀伯爺婆...姪孫結婚啦，我要幫佢打點一下嘛。

呢一個，係我咁耐以來聽過最動人最感動既一個謊話。

人生就好似變幻莫測既天氣，雖然可以預料，但往往都出人意表...老公公既心臟日復日咁康復，準備出院那天，病情突然惡化，撒手塵寰。

姪仔辦理完死亡證明之後就黎搵我，要求暫時唔好話比老婆婆知，因為老公公死前遺言︰照顧伯爺婆，唔好話佢知我既事，唔想佢受剌激。

呢個時候，無一個在場既人唔感動唔流下眼淚，包括我...

當日我巡房既時侯老婆婆又問︰伯爺公D果汁喝晒啦，點解佢又不見人？

護士強忍眼淚︰妳唔記得左咩？姪孫過兩日結婚啦！老公公要幫手嘛。

第二朝清早，我發覺老婆婆床頭多左樽瓶果汁，聽到護士同老婆婆話︰老公公剛黎過，佢見妳訓得咁甜，唔捨得叫醒妳，放低果汁就走左啦。

當護士一轉身發覺我企響度既時候，立刻雙頰通紅。

我微微一笑，拍左佢膊頭一下，慶幸佢果顆愛心，不為歲月冷卻。

當日下晝，護士長察覺坐響梳發對住窗望風景既老婆婆無左呼吸，我迅速跑去一手抱起老婆婆，再聯同護士將婆婆放上病床急救...

搶救二十分鐘之後，我宣布失敗...

我一邊寫報告記錄，一邊諗起「陪著你走」既一句歌詞︰

『如果，走到這世界邊端，我倆已是無力前行，跟我一起飛去...』

護士長走過黎同我講︰估唔到你咁大力，一手就可以抱起老婆婆。

我只係報上微笑，因為我已經唔想講任何野，我怕我忍唔住眼淚...

老婆婆的確好肥，但係好輕，因為佢既靈魂已經跟老公公飛走左啦...

"愛" ─ 雖然只係一個字

但係無人或任何事物可以具體咁解釋呢個字...

正如糖好甜，花好香...

根本無得解釋，要用心同親身體會先可以感受。

真正既愛~~ 應該係堆藏響心裡面，去體會，去感受，去領悟...

即使天會變~~ 月會圓 花會枯 人會老...

50%

唔係怕你地笑...

唔係怕自打嘴巴...

呢50%真係好難行，同埋開心既回憶永遠都係最好的...

好清楚！


再出一次...至於肖猴男性今年桃花也利，精神面貌也佳！良緣易覓，切不可錯失良機！

拭目以待~~

Sunday

打左一晚通宵牌...做左魚腩...哈哈...只係俾左份好貴既腿蛋治加凍奶茶...

Saturday fever

宿醉得好厲害...

威哥，你咁多人入場，請REFUND...