NO TITLE

感覺上，成個星期都做晒我想做既事...

睇書...係公仔書，我係經常幫襯十大書房既...

飲"野"...都算係HAPPY FRI...而且仲有兩個"美女"相伴，哈哈哈...

踢波...跑兩跑已經唔夠氣，睇黎要操番fit先得...11月開league...

唱K...雖然唔識既，但冇悶親我...我黎得都知咩環境，唔使擔心...只不過踢完波好攰，同埋一身煙味怕俾阿媽嘈，佢又會問長問短；而且又要返去食藥，唔好飲咁多...雖然我最後都冇食...梗係啦，都好驚中毒，唔好亂黎...

睇碟...Cellular & 戲王之王...都唔覺好好笑添...劇情又(-_-')...不過"單丹"真係做得幾好...

睇波...曼聯嬴波！！！拆車成功，但係嬴左冇摩連奴既車仔...冇咩感覺...而且曼聯自己本身都踢得唔夠sharp...始終個問題係自己攻力不足...所以都唔係特別興奮...

唯一唔夠既係訓覺...唔多夠訓...