單身主義

成日都有人問︰『咁耐都未有拖拍，係咪未放得低先？』

正所謂好馬不吃回頭草...唔使再問啦...

未遇到者，撻得著既我一定唔會放過...哈哈

放左3日假，就訓左3日...你問我唔想去街咩？梗係唔係啦...但你叫我搵人去街呢，我又唔想...因為懶...

訓係屋企我唔怕悶架...

最好就係星期五晚可以去happy hour，返到屋企又可以一邊聽住一切從音樂開始一邊訓覺....

星期六晚出街食餐好既，跟住睇住曼聯嬴波~ (呢個禮拜又嬴1-0...一半開心一半唔開心...開心，因為嬴；唔開心，因為嬴得1-0...攻力疲弱...)

星期日最好就係睇戲或者睇碟啦...加埋訓覺...悠閒寫意

但如果我有拖拍，應該唔會咁自由...唔可能想做咩就做咩...更加冇可能咩活動都蒲頭啦...

所以依家都幾好架...

當然過時過節就梗係差d架喇...阿媽一定加一句︰衰仔你今日竟然唔去街？奇蹟喎...

另一種"玩法"黎既...多個伴應該會開心d既...

其實我都幾想去氹女仔(都幾鍾意添)...雖然我唔知俾我氹果個係咪真係開心，但感覺上令人開心係一件幾開心幾事...

當然呢d通常只係岩岩開始既說話...你試下過多幾年...哈哈，三分鍾熱度