假如有陌生人話想識妳，妳會點反應？

呢個問題我問左好多個女仔...是實上，百分之九十九既答案都係話會嚇親人...

而我頭先就竟然嘗試左一次...

當然啦...結果就好似果99%既女仔答案一樣...食左個大檸檬...哈哈哈...(如果係clubbing既地方...成功既機會應該會大DD...)


長頭髮(以前係直髮，依家電攣左，靚左...哈哈)...眼細細...高高瘦瘦既...唔標青...普通女仔一個...

我第一次留意到佢係佢搽緊mascara...搭緊船喎...勁！！！好佩服女仔呢樣野...

之後就開始留意住人地...莫名其妙既吸引...返工見到佢都會幾開心架...哈哈哈...

其實都唔係每朝返工都見到佢...依家就星期三四五都有機會見到...星期一二就好大機會見唔到...

放工就更加難...呢半年內只係見過3,4次...所以我成日同自己講要把握機會...(我覺得放左工心情應該會輕鬆D，成功既機會應該會大DD..)

同埋通常最樣衰果幾日一定見到佢...命運都係鍾意玩野...

不過頭先我想開口既時候一D都唔緊張...反而好冷靜(可能預左食檸檬)...哈哈哈...

睇佢既反應係完全唔會有機會...(^__^")

總算滿足左自己...

聽朝返工應該會見到佢...一定要KEEP住最佳狀態...