巴治奧

雖然我已經離開左IM動物園，但我依然繼續為公司既足球隊效力...

不過估唔到我今次間接成為左輸波既罪人...

* * *

話說星期六既對手係FOP，佢地係聯賽裡面數一數二既強隊...我地都冇咩太大既期望...上季聯賽輸1比3，今季都係輸1比3...

今日係盃賽，希望好似足總盃咁...摶‧爆‧冷！！！

平時大家對足球都唔算好有熱情...除左幾個主力之外...次次都係臨時拉夫...不過當日既陣容真係出奇地完整，可以話係最強陣容；所有位置都差唔多係我認識既隊員之中最好既...真係令我覺得有機會爆冷...再加上我星期五冇去玩，又夠訓...

雖然計往績我地真係輸晒，但果日踢落真係五五波...事實上，我地仲佔左少少上風添...

上半賽中後段...我地摶到一球十二碼...勢估唔到隊長竟然叫我主踢...(可能上場比賽有人爭射十二碼...所以佢今次主動叫名)...

嘩...叫得我就梗係唔可以say NO 啦...話晒我都係隊中既首席射手(我夠膽講架，哈哈哈！！！)...雖然呢一季真係飲得太多狀態超唔掂...

真係勢估唔到一球咁重要既十二碼由我去射...果一刻都真係好緊張...仲要諗超巴治奧...如果射唔入會點呢？

結果...我用腳內檔射右邊地波...SHIT...竟然俾佢救到...勁度係夠既...但羅得唔夠盡...

真係好失望...極度失望...我竟然射唔入...

足球就係咁架啦...呢球唔入，轉頭就會輸埋...一子錯，滿盤皆落索...

上半場後段...俾人地符符碌碌咁笠死左我地個龍...頂...真係超級唔好彩...0-1

下半場初段...無厘頭輸球罰球...又俾人地幸運地門前執雞...0-2

去到中段...我地又摶到十二碼啦...隊長竟然又叫左我個名...呢一次真係超有壓力，好驚又再射失...今次我即係諗巴勒莫...佢竟然o係一場比賽裡面射失左三球十二碼...如果我射失埋呢球會點呢？

今次，我選擇硬射龍門右上角(第一球已經想射果個位架啦，但我好驚飛機)...結束，個波冇按我心目中個方向去左龍門既右上角...一個冇咩角度但勁度十足既中腰波...龍門都摸到波皮架，但都係入左...嘩，如果呢球都唔入，我諗我既足球生涯可以劃上句號...

追番1-2，我地就更加摶命希望追平...

有幾個黃金機會，可惜射唔入...

最後我地輸1-3...又係呢個比數...討厭...

* * *

呢次好似係我人生第一次o係正式既足球比賽裡面主射十二碼...

非常非常之咁失望...

* * *

R.Baggio 真係好勁！！！除左球技之外，佢既毅力同埋對目標既執著...真係好犀利...

返左新工兩日...

今日先係返柴灣既第一日...因為星期一返灣仔會展開Breakfast meeting...

天后真係好方便...唔使5分鐘就行到去巴士站，就算去到岩岩miss左架車，5分鐘就有另一架...由屋企出發半個鐘左右就可以返到office坐低...同以前住屯門返東涌一樣咁爽...依家仲快少少添...

工作方面，唔使再呆等放工...要用番"腦"喇，令我覺得朝九晚六既時間過得好快...又可以著番casual wear...

當然啦...有得必有失...

唔可以咁揚開MSN...(雖然搵到個web版冇俾公司block...不過開左都冇時間睇)

唔可以隨時隨地去"陌生人"...今日冇睇就miss左成百個post，你地都真係太得閒...

唔可以成日睇住金魚缸...再加上我冇貨係手，完全感覺唔到大上大落...(事實只係得大落...)

唔可以發呆...唔可以聽住903...唔可以偷懶...唔可以食兩個鐘lunch...唔可以訓晏覺...唔可以做做下野"落街"行下...唔可以好方便咁買到咖啡...

雖然係咁，依家好似企返e-commerce既最前線，要keep住update番自己最新既trend...又要施展"渾身解數"...

感覺幾好...

* * *

係東涌既日子雖然短，但我都得到好多好野...

超市d野好貴...

應該都有成5年冇以一個"師奶"既身份去超市買野...

以前最多去買零食...依家都唔買lu...懶懶地去OK、7仔買算數...

應該有5年冇買過出前一丁...點解依家要成3蚊一包架？咁貴，有冇攪錯...食麵真係唔知麵貴...

罐頭又係超貴...想買罐午餐肉要成十幾蚊...我唔好去買包新鮮豬肉？？？

出左黎住，要塞個"慳"字入腦...所以樣樣都係計住數...

想係惠康買把罐頭刀，見到成三十幾蚊把...唔信咁貴，走去日本城買，諗住十蚊雞應該OK掛...點知都係要廿幾蚊...算啦，慳幾蚊都係行多左一條街者...幾蚊事小，但背後既意義重大...因為我連幾蚊都唔會亂洗喎...

* * *

就好似Serina同Peter結婚果日，我落灣仔搭962...去到巴士站岩岩走左架車...比著平時既我一定上960或者961返屯門然後轉的士去黃金海岸...但我果日竟然呆等左20分鐘962...仲要上車企左40分鐘先到...真ON居...

* * *

羅住把慳左幾蚊既罐頭刀返屋企...都未開完一罐罐頭(開得果一半咋)，把刀就爛鬼左...真係火都黎...慳幾蚊真係得不償失...仲ON居過等962...

都好彩開到一半...超碼都煮到餐食...唔係真係超ON居...

畢業後o係屋企連公仔麵都係陳媽咪煮既...一來懶...二來我覺得廚房係屬於陳媽咪既地頭...費事亂黎...結果5年黎(以o係香港計)都未煮過一餐...

今晚開齋，之後陸續有黎...

* * *

講開又講...應該要加多少少家用...不過我冇錢 (-___-")

家務...

畢業咁耐都未做過家務...呢兩日真係差唔多咩都做齊...抺屋、洗衫、掃地、抺地、洗衫...好攰...差在仲未試過洗厠所...

陳媽咪妳真係好偉大呀！！！

自己一個人住感覺真係好爽爽爽呀！！！尤其係我同室果個仲未搬入黎...哈哈哈...I FEEL SO GOOD！！！

不過佢尋晚飲大左返左黎，幾驚佢整污漕我"辛苦"整到乾乾淨淨既地方，好彩冇事...

個廳仲未夠乾淨...下星期要再努力...仲要開始學返車...

* * *

今朝落街去左祥利冰室食個港式早餐...火腿通 + 煎雙蛋...厚厚既奶茶杯...嘩，好味道呀！！！


今晚食咩好呢？...(頭幾日係咁架啦...3分鐘熱度...)

新居入伙！！！

岩岩睇到呢個單位既時候，真係因為睇中左個toliet，貪佢夠乾淨...其他既都忽略左...

雖然係貴左少少...但睇左幾間都冇咩岩budget既盤...所以都好快就扑鎚...

簽左臨時租約之後，每次入屋都係似有好多野唔滿意咁...灰...

好似簽左約之後又有番d新租盤出返黎...仲平d添...令到我唔多唔少都有d後悔...

直到今日...入黎住啦...都覺得呢度ok既...係貴左少少者...但如果唔計錢，感覺都唔錯架~

anyway...呢一年都要住係度...唔好諗咁多...



如果再揀過，一定要新裝/靚裝、高層、景觀開揚...厠所都係要超乾淨...HAHAHAH！！！

leaving...

今晚應該係我o係08年最後一日o係屯門訓...(唔排除下年為左慳錢要搬返屋企...希望唔使啦！！！)

又可以離開屯門公路...可以離開962...太好喇~

應該會好懷念陳媽咪既廚藝、佢既靚湯...希望我可以每個禮拜都返一次屋企食飯...不過，以我以前住hall既記錄黎講...應該冇咩可能...

屯門...

今晚應該係我08年最後一日係屯門訓喇...

又可以離開屯門公路...可以離開962...

應該會好懷念陳媽咪既廚藝...希望我每個禮拜都會返屋企食一次飯喇...

做兄弟...

呢張真係正...

數數手指，我應該都做過5次兄弟...

補番呢個post...

在 1 February 2007 - 11 Januray 2008 期間曾到 e-zoo 一遊

by 沙沙滾星球的外星長頸鹿...

新一天...

尋日又一個好兄弟結婚...真係恭喜晒...

咁岩得咁橋呢班兄弟結婚既時候都係我人生有少少轉變既時候...

2008-01-14..新既一年由始起...

moving...moving...keep mooving...

2008-01-13 Mr. & Mrs. Hui Wedding

好有新意...非常成功呀~~

恭喜晒~

(續)

起身...踢完波...攰...返到屋企再繼續...

* * *

上回提到︰星期四要出動...

為左令我有個"美滿"既回憶...班"豬朋狗友"都非常幫手...

由於佢去pantry都會經過我地team...咁岩我班兄弟又坐係corridor隔離...所以每當見到佢行過既時候，佢地會即刻俾signal叫我行動...

我認為最理想既"傾計"地方係pantry...冇咩人丫嘛...感覺冇咁尷尬...

頭兩次留係pantry都唔夠1秒鐘...想出聲都冇咩機會...

到左第三次，都係咩都做唔到...本來第三次我好想迫自己開口，因為知道呢次係果日既最後機會...不過第三次反而係我自己覺得好尷尬，可能係自己心虛...所以最後都冇出過聲...真係好渣...

呢三次人為既"偶遇"都冇咩成效...

到左最後既今日...都真係為左呢單野執得駟正少少...人靠衣裝嘛...

成朝等左兩個鐘頭...都唔見佢...仲諗住佢冇返工...果時真係極度失望...

正當我埋頭苦幹既時候，singal又黎喇...即刻放低所有野追出去喇...

結果我終於能夠鼓起勇氣同佢講野...傾左幾句...唔算太做作...可惜未問到佢叫咩名...就要"歸位"...點都好，算有個好開始...最起碼唔使食檸檬丫...

好快就到lunch time....當然係我既farewell lunch喇...好想請埋隔離team一齊架...

成個下晏都周圍去講byebye...都冇咩機會再去pantry...

差唔多到左放工既時候...我膽粗粗咁羅住我尋晚買俾大家既朱古力去搵佢...又好彩俾我成功知道佢叫咩名同交換左contact...wahahhaha...真係出其地順利...hahaha...好彩有買朱古力...哈哈哈...

隔離個"白頭佬"仲係咁昅住我...

為左令到我成件事更加完滿...我又再次出動...我羅住部相機諗住同佢影番張相...今日真係好彩...不宜食檸檬...感覺實左太美妙喇！！！多謝我部23mm ultra-wide angle...自拍不求人...哈哈哈...

果一刻感覺真係好完滿...

* * *

本來成晚都好完滿...最衰我要攪掂埋d手尾先走得...不過"女神"都好夜先走...可惜我miss左同佢講byebye既機會...

最最最最最最最掃興既就係我地揸車出去食飯既時候俾另一架車撞到我地...仲要俾佢惡人先告狀話我地撞佢...坐司機隔離個八婆(可以既話請容許我更加粗俗咁鬧爆佢)仲要潑婦罵街...又話我地論論盡盡...又話提左佢husband小心d，o係後面就覺得我地手車唔掂...又話我地如果行屯門公路死左好耐...真係要鬧爆佢呀...

根本我地只係keep住係迴旋處條外線，佢o係內線又心急想出路口...就咁就炒左埋黎...好彩冇人受傷，但俾佢鬧左一鑊條氣真係唔順...好唔順...

好彩有"興爺"坐陣，咩事都放心晒...

一個終結 = 另一個開始...

如果係平時既我，我諗我一早上床訓左...

* * *

今日係我o係IM動物園最後既一日...雖然只係留左o係呢度11+月，但大家都對我好好...好好，非常之好！！！

我今日揀左一套間條黑色西裝返工...隆重其事丫嘛...其次係應史管家既要求要執正d...平時星期五應該著得casual的的...

自辭職以黎...都冇咩機會再見到我之前提過既"那個人"...或者我好冇精神又好眼訓時冇留意到...近排自己又成日遲到...真係影都見唔到...

今朝返工，好好彩，竟然又俾我見番佢...不過，大家都冇咩眼神交流...感覺唔到有咩機會...所以落船之後都冇追上去...

又或者我個心已經飛左去第二度...

記得我岩岩返工既時候...我留意到隔離team有個"令我眼前一亮"既女仔...我仲記得有一次咁橋我地搭同一架車出CWB...果次我都幾想識佢...不過又冇膽開口...

結果冇耐，佢就冇聲冇息咁離開左隔離team...

所以我同自己講下次唔可以咁弱...之所以我會夠膽死做"陌生人"...

估唔到係08年，正當我準備離開動物園既時候，佢又悄悄咁返左黎...

係動物園既呢段日子...識左幾個"豬朋狗友"...有一日佢地話隔離team黎左個"得得地"...因為近排都比較忙...所以都冇咩留意...

估唔到俾我LAST DAY前四日，發現左係佢返左黎...真係點都估唔到...

星期二仲要係最最最吸引我既style...可惜星期二同星期三都冇行動...只能夠靜觀其變...

到左星期四...如果再唔行動就冇機會架啦...

* * *

真係好眼訓...明天再續...

鎖匙手入...

星期日簽左臨時租約...

今日簽埋正式果份...

咁就冇左三個月租金...

不過將會有一個新天地...

人

在離去之中相遇...

把握最後機會...

pre-farewell lunch

原來...

唔經唔覺只係得返3日...

cheap king

以下內容只適合家長指引...請唔好胡亂猜測...

* * *

星期六晚本來都唔諗住有節目...想休養下身體...咁下個星期做兄弟都駟正d...

點知淆底獸提議等結婚果個可以"放鬆"下...

咁古惑當然即刻call晒淆底獸、核突人、狗賊、衰仔同奸霸去TST慶祝慶祝...

淆底獸叫得做淆底獸就緊係因為佢淆底...所以佢放飛機...

開頭古惑仲預左衰仔唔黎，又話剝左智慧齒，又話留緊血...點知佢最早出現...

最後4.1個人飲左半打budweiser & 兩支半Chivas (仲有半支留番俾核突人)...CRAZY！！！

衰仔就係因為佢成日認衰仔...認左衰仔唔使飲...所以只係count佢做0.1...

如果唔係今次...狗賊都唔係狗賊...核突人都唔係核突人...

狗賊竟然係第一個冧(時間尚早)...冧左仲要訓...訓訓下仲要湯...所以我地有理由相信佢之前俾假口供...令自己個良心好過的的...扮醉玩"骰"...真係太狗...

本來玩到尾，大家都好似冇咩事...核突人去完洗手間返黎就訓左...都好正常丫，都成5點...

衰仔都即刻call的士...我地見核突人都冇咩反應...先扶佢出門口等...

好彩呢個時候狗賊已經醒晒，唔使我地顧佢，佢仲話要車我地返屋企...癲左...打死我地都唔會坐佢車...

扶左核突人出門口，的士又未到喎...核突人都唔輕架，咪放左佢係地下坐陣先羅...

係呢個時候核突人終於頂唔住，冇知覺咁開始嘔，嘔到成身都係，仲要係嘔吐物上面碌黎碌去...塊面都黐晒野...ai...好核突呀！！！名由始起...

古惑即刻去OK買支水幫核突人沖沖身...唔係的士都唔俾上...幫核突人清潔個陣真係好好好核突呀...

好彩的士都冇拒截...(通常見到咁既環境都唔俾上)

古惑同衰仔一左一右咁夾住核突人上的士...好彩奸霸有膠袋...不過都冇咩用...核突人都係嘔到衰仔成件褸都係...古惑攬實核突人都覺得好臭...

我地竟然冇人記得核突人住幾多樓，咁既狀況唯有叫佢既另一半落黎帶路...(唔好意思，嘈醒佢)...

狗賊報告見到有人見到咁既情況黑面左一野...(俾我都會啦)

順利送左核突人返屋企...算係咁啦，堆左佢上梳化(本來由得佢訓地下)，仲幫佢換埋睡衣添...嗱，除褲果個唔係我地...

搞掂之後我地都閃人...狗賊竟然都仲話要揸架車返屋企...我地其他人當然唔敢坐啦...搭的士好過...

好彩狗賊都能夠平安回家...

我返到屋企都即訓...不過真係好臭...

* * *

Cheap King 之 SMS...一字不漏...

各位, sorry. 由於明早9am要去睇牙, 我自己都唔想咁夜同咁醉, 所以不到了。初初唔預太夜。同埋加上俾阿媽勁哦, 話我成日唔訓。sorry

成交

真係估唔到，我竟然用果個價錢去租天后...

一定俾人罵死...

不過點都好，終於搞掂呢單野...

08年第一個新動作...

都真係幾貴...

* * *

想上黎睇睇既請與本人聯絡...

超失望...

好唔開心呀...買唔到呢張八達通卡...

好想要呀！！！！！！！！！！

仲倒數！？

新一年，應該新開始...

我係新年岩岩開始就同各位講我last day...真係唔好意思...尤其係要從email先知我走既就更加SORRY...

留o係動物園既日子仲6個工作天咋...

2007...10.9.8.7.6.5.4.3.2.1.2008

新既一年新開始...

不過係新開始之前...先回顧一下2007年...

我記得2007年既目標有一個...考車...

考車...過左筆試ONLY...依家仲學緊...算係完成左一半...

所以2007目標係完成左二份之一...樂觀d睇...好過冇...

原來我10Jan講過下話搵一年錢再算...一年就咁過左...但都冇咩點變...事業上仍然係一舊雲...

咁數下07之最...

最開心既...突然要諗一單最開心既事真係有d難度...好多野都好開心...但又冇一件事可以叫得做最開心...

最唔開心既...應該冇...有都由得忘記佢吧...

最遺憾既...唔洗諗...仲係單身...

最估唔到既...夠膽死同一個完全唔識既女仔傾計...哈哈哈...雖然只係得幾秒左右既conversation...但都幾開心...

回顧完過去，要展望將來...

2008既目標...

將個status轉去"in a relationship"...

衝出屯門，殺入香港...

生活得健康dd...少d斷片同宿醉...剷除魔豆...

最後...

to all my friends, HAPPY NEW YEAR！！！wishes U all the best in 2008~