通脹...

覺唔覺？

之前發現超級市場既罐頭同出前一丁好貴...當時都以為係自己好耐冇去過超級市場，所以唔多在意...

星期二果日又去買餸...買左一舊燒腩肉，份量大約係一隻熱狗既Size左右...嘩，竟然要收我$40，有冇攪錯！！！...不過又真係好好味！！！如果話俾陳媽咪聽佢實話差唔多價啦...

舊燒腩肉分左兩餐食...真係好好味呀！！！

星期三Lady Night，YEAH~~

星期四好夜收工，唔想洗碗...所以落街食...

通常我一個人都會落樓下間茶餐廳...叫不見不散，英文名好似叫See You, See Me...好攪鬼；間野都幾好味架，但主要係因為近，一落街就到...所以成日去...

通常我會叫Set Dinner加個菜...平時都係$50埋單...果日我都係諗住放低$50蚊走人，佢竟話哥仔多謝成惠$53蚊丫...我梗係問佢睇睇單啦...原來個Set Dinner...由$42加到$45...都加左7%架...

好貴...

大家慳D洗...我都要...