family day

星期六返左屋企食飯...因為細路阿達O係大陸出trip回家...加埋家姐求救，屯門隻rounter上唔到網...

一返踏入門口...

陳媽咪就問：『阿哥，你今年有冇收到老豆果兩封五百蚊利是？』諗一諗，應該都有既，年年五百，如果今年冇，我一定問佢兩個係咪唔夠家用...

做咩咁問？原來阿達岩岩先拆利是，但陳媽咪發現老豆果兩個利是封由五百蚊變左一百蚊喎...個個都諗係咪老豆搞錯左，俾左兩封"大野"第二個...

正當老豆都以為係自己搞錯左非常之激氣...(佢唔係為左錢激氣，而係佢覺得自己冇理由咁低能咁都會搞得錯；佢都係認叻果一類人)

家姐岩岩返到黎，佢一野就話今年唔係用呢款是封喎...(佢地年年都用恆生既，今年轉左用渣打)...結果，原來果兩封利是跌左係書枱底...哈哈哈，一場誤會，老豆即係開心番，其實佢真係怕自己老人痴呆...touchwood...

可能我少左係屋企，大家食飯都好多野講，連老豆都問多左我兩句...(雖然我住hall果時都好少返屋企，仲少過依家...或者大家都年紀大左lu，更加珍惜...又或者佢地都覺得今次我搬得出去，都唔會再搬返"屋企")

講下講下，無喇喇又講開結婚(唔知講話邊個因為有左先結婚)，陳媽咪又再追問...家姐阿達即刻幫手轉話題...