鴨舌

都跌左落枱面...仲要叉極都叉唔起...仲何必執意要食呢...

電話都唔見埋...SMS出番晒黎...天意！！！



不過算啦，煙灰缸果件都係留番俾你...

dinner

泡菜肥牛烏冬...

leaving

終於每個人都同我講左一次，正式得到晒大家既通知...

第一次聽到真係呆晒...好似好難相信咁...

不過諗落...其實又冇咩大不了...

對我黎講，真係有好有唔好...影響其實都唔係咁大...

少左負擔，可能仲好...

想睇又唔想睇

其實好想睇...依家先去撲飛...

Bad Day...again

今日勁想聽...

...

* * *

原來你唔鍾意...真係估唔到

* * *

如果我講錯野，SORRY...

十六，生日快樂！！！

海洋公園一日遊 + 生日蛋糕 + CK t-back + 仿膠布朱古力 + RX Tee + RX figures + 六神合體...應該夠喇掛...

幣，管家份生日禮物好似仲未搞掂...

Sieg Heil!

第一眼立落去仲以為係自己個名...

Sieg Heil is a German phrase, which literally means "Victory Hail" or "hail victory". During the Nazi era, it was a common call at political rallies. When meeting someone, it was customary in Nazi Germany to give the Hitler salute and say the words "Heil Hitler". "Sieg Heil" was reserved for mass meetings such as the ones at Nuremberg where "Sieg Heil" was shouted in unison by thousands. Often a Nazi official would shout into a microphone "Sieg" and the crowd would answer with "Heil," and there might be several repetitions of this at times in ever-increasing volume. At such rallies there was often a display of banners carrying the slogan "Sieg Heil" along with the swastika. The NSDAP (Nazi Party) made a pin badge in 1933 displaying a victory wreath, the Swastika, and the words "Sieg Heil".

ManUtd, we are the CHAMPIONS again！！！

這一夜係屬於曼聯既...

繼1999年曼聯奇蹟地係補時連入兩球反勝拜仁嬴左歐聯之後...事隔9年，曼聯再一次打入決賽，而今次既對手係車仔...

上半場C朗既入球為所有曼迷帶黎雙冠既憧憬...不過車仔係完半場前憑林伯帶點幸運成份既入球追成一比一...

120分鐘過後，雙方都再冇入球...

即係話...

所有球員同球迷又要接受一個殘酷既挑戰...要用十二碼分勝負...

你一球我一球...每一球都令你既血壓標升...

而最無耐既係，射失既永遠都係其中一個最有表現既球員...

第一輪，迪維斯 vs 波歷克...1 - 1

第二輪，卡域克 vs 巴列提...2 - 2

第三輪，C朗拿度 vs 林柏特...2 - 3

oooooOH...竟然係C朗射失！！！唔通要全季表現最好既球員承受呢個最大既挫折？唔通真係成也C朗，敗也C朗？...如果係咁，只可以講句︰天意弄人...

仲以為每一位偉大的球員都要承受考驗...

第四輪，夏格維斯 vs 艾殊利高爾...3 - 4

第五輪，蘭尼 vs 泰利...

蘭尼射入之後，全世界曼迷都等緊下一個車仔球員射失...OH...竟然係泰利，呢個都算係車仔裡面我最鍾意既球員之一...不過，你射失總好過曼聯嬴唔到歐聯...

泰利中柱既一刻...全場曼迷即時瘋狂...就好似冠軍就已經係屬於曼聯咁...

我都即係同周圍既fans黎個GIVE ME FIVE！！！YES！！！

4 - 4...

十二碼變成即時死亡...

第六輪，安達臣 vs 沙洛文卡勞...5 - 5

第七輪，傑斯 vs 安歷卡...

我當時既感覺真係︰傑斯，應該係你埋齋既時候...YES！！！冷靜地射入...

跟住鏡頭影住安歷卡...再影住雲達沙...我心諗︰V1，你都係時候要撲番一球...

結果...



所有曼迷再一次陷入瘋狂既狀態...我又再一次同周圍既fans黎過GIVE ME FIVE！！！ YEAAAAAAAH！！！

* * *

大難不死必有後褔...呢句係真既...

C7，你真係要多謝V1...

波係圓既...呢句都係真既...(悼念伍晃榮)

希望泰利都唔好太難過...

* * *

成晚冇訓...希望返工唔會中眼訓...

真話

我所講既每一句應該都係...

* * *

starbucks 杯水都係...

* * *

雙手好溫暖...

* * *

管家，生日快樂！！！

這個家冇左你真係唔掂...你睇下你個生日會就知...

認真LEI HAE...

我地連相都冇影...

唯一似樣既係個生日蛋糕...不過都係你自己揀既...

傻瓜 x 小器鬼

你咁樣講真係有一下好唔開心...

芝see菇bi都講得幾岩

如果不嬲都珍惜既話，唔會有太大感覺...

如果不嬲都自覺幸福既話，唔會有太大感覺...

香港一日遊

sogo...

完成任務一...買左衫送俾十六

times square...

完成任務二...買左卡送俾管家

city super...

買左部相機...

muji...

恭和堂...

ikea...

franc franc...

終於都買到枱布喇...(T_T)

翡翠...

DVD...

你想睇既同我好似...

灣仔...

金鐘...

中環...

隻手真係痺痺地...

趕到尾班船...

真係好彩...

上到尾班車...

追到尾班觀塘線...荃灣線...香港線...

* * *

呢一種幸運感...

what happens in vegas

有時就係咁架喇...

只係一個鏡頭...雖然同成日掛係口邊既有分別...

就是這樣開始了...


女既超索，男既超型...無得頂...

雖然Cameron Diaz真係開始老...記得睇佢第一部電影應該係something about mary...都成十年前...

呢套真係好好睇，仲好好笑添...推介！！！

* * *

成日都好想做戲入面d主角...狠狠地做自己鍾意做既事...(上左腦，SHORT左)...

搵到自己鍾意既野，感覺真係很好...

* * *

岩岩被發仔話中左...多心又貪心...呢個先至係我...

咁都俾你係CCTV見到？

咁橋！？

世界很細...

估唔到我以前老細係我表姐夫...

而我表嫂係我以前踢波朋友個妹...仲算係同事添...

記事

懶有文化咁走入PageOne...睇下有咩書想睇既...

見到呢本...《幾米故事的開始》...

以前因為有人鍾意幾米，所以先知呢個世界上有《月亮忘記了》，有《向左走‧向右走》...

有少少興趣想睇...卒之用左張2005年抽到既聖誕禮物，$100大元PageOne Cash Coupon...

之後留意到另一本《For One More Day》...作者係《Tuseday With Morrie》果個..

一開頭睇到台灣版書底寫住︰假如你可以用一日既時間回到過去...

一殺那被吸引住...不過再睇埋內文...已經知道大約係一本點樣既書，所以都係算把啦...

* * *

耳筒裡面播著蔡健雅既空白格...

* * *

本來好想打個電話俾你，但因為咁，又唔知點好...

如果我唔用腦，應該唔會咁婆婆媽媽...

訓唔著

...

悟空‧巴治奧‧型呀！！！

逛逛玩具"反"斗城...

無意中發現左呢個悟空呢個超級薩亞人形態...好型！！！即買...


跟住又見到呢set野...

嘩，超想要觔斗雲同埋神龍，神龍仲要有特別版添...特登揀一個冇俾人拆盒既黎買...結果中左呢個...

我一定要儲齊一套...

龍珠係我第一套睇既日本漫畫，超鍾意...成日都有衝動去買番一套文庫版攞黎儲...因為以為唔識鍚住本書，本本書都番睇又番睇，睇過幾廿次，睇到本書好殘...

* * *

我發覺自己一旦認真鍾意一樣野既時候，就會呢一世都好鍾意...

雖然唔會無時無刻都會講出口話好鍾意，但一定會有一份情意結係心入面，得閒又會浮番出黎...

突然記得有人問過我如果R.Baggio退休，會唔會唔再鍾意佢？我果時話可能會架，你聽到個樣仲好唔開心添...我仲好似補左一句話鍾意既野成日變架啦...

如果依家再答...不如諗下有咩野我仲會咁鍾意？

呢幾年都好似冇咩野令我好鍾意，反而鍾意既野就愈來愈少...人愈大，好似愈來愈難令自己好癲咁鍾意一樣野...

份人成熟左，俾以前了解多左...

* * *

雖然我依家好鍾意曼聯，但最鍾意始終都係佢。

真係好型！！！

第一次...

200805100200

有D野好奇怪，你相信佢係就會係...

好好睇既拉闊

估唔到會聽到Mika...會聽到"喜歡你"...又會聽到"此情只待成追憶"...真係正呀！！！

拉闊正就正在歌手可以玩crossover...Eason x EO2 x 方大同 x 謝安琪...夾埋可以有好多變化...

不枉我打左一粒鐘電話+70000分...不過坐左係邊邊就差少少...雖然都好近，好彩佢地成日都走埋黎觀眾席...

唔想去街...

近排手緊...灰...