好彩

星期四果日...

起身落街返工，橫風橫雨...由屋企行到去巴士站已經全身濕晒...

等左15分鐘都冇巴士黎，諗諗下都係返屋企換過件衫再返工...

再落過街，都係搭的士穩陣...

等左15分鐘，架架的士都冚旗搵過海客...有冇攪錯...

死死地氣走返去等巴士...勢估唔到又俾我係巴士站截到架的士喎...

以為自己好好彩...

返到公司樓下都成9點半...一落車摸摸前後褲袋，空nel nel既？頂，部電話漏左係架的士到...

即刻打番俾自己...

第一次，長響冇人聽...

第二次，俾人即cut線...(真係以為冇梗)

第三次，竟然有人聽；原來俾下一個乘客執左...架的士載緊佢落CWB...

我同司機講：你載完個客你即刻返番黎柴灣la，我俾番錢你...

雖然佢好似好唔願意...好彩，最後都有車番部電話俾我...

真係好彩...