又要揀...

最近，日日都煩緊究竟買900定901好...又究竟黑色定白色好...

講緊既係EeePC...

900外型logo都比較討好、平少少、輕少少...

901個model就新少少，不過最厲害既係舊電可以玩耐成粒鐘...

其他既兩部都差唔多...

好難揀...

其實我地每日都要make好多decision...

可以好無關痛養既...例如食咩早餐呀，著咩衫返工(可能對某d人黎講好重要)...呢d決定都冇話揀岩揀錯，就算真係揀錯又真係冇咩大不了...

不過，如果真係一d重要決揀既時候...就真係要諗諗...

如果有人可以list晒所有choices有咩好有咩唔好，最後結果會係點，咁既話就好似易揀d...又或者走去睇下咩係decision theory，可能會幫到下...

可惜冇人話到俾我聽結果會係點...揀左901黑色會點？又或者揀左900白色會點...救命呀...

迫於無奈要揀既時候好多人都叫你揀一個自己唔會後悔既選擇...

聽落好似好易...我鬼知我揀901唔會後悔咩...用落先知家嘛...

所以，似乎係要令自己揀左唔後悔，而唔係揀一個唔後悔既choice羅...

好似真係好難揀...

事實上，我相信其實我一早已經有左答案...因為基本上，我份人都冇咩腦，唔用腦揀既話一早已經有左答案...

又或者，係揀既過程令自己安心d者...

* * *

以前，睇過一篇文章。

話說有個爸爸，佢個仔每次話相買玩具或者買糖既時候，爸爸都一定會買俾個仔，不過，仔仔每次都只可以揀買一樣...目的係要佢習慣make decision，習慣點樣去make decision同埋習慣承受make左decision之後既結果...

我都諗住咁樣教我個仔...