It's time...

岩岩去完歐洲番黎既時候，我諗過短期內都唔會再去...事實上，有好多好多地方我都仲未去過，大把選擇啦...

估唔到會咁快我又返黎一次...不過今次只係去London...

winter同summer既感覺好唔同；有錢同冇錢既感覺都好唔同...(呢度仲未記低上次黎London既情況添...T_T)

summer真係好好，有太陽既時候，都係得廿二三度，風吹埋黎涼涼地，好似冷氣咁...朝早坐係路方邊，曬住太陽，享用一個Full English Breakfast，認真寫意...下午又坐係coffee shop，睇下書，上o下網，無無聊聊又hae一日；又或者坐係pub，一路睇波一路食fish & chips...(最可惜既係睇阿仙奴，俾成班阿仙奴fans圍住又要扮阿仙奴fans...有腳袓記踢得好x阿記成班fans笑得我一個shit左出聲，勁驚有生命危險...)

同香港既7、8月比，NO WAY...

雖然話London洗費好貴，其實都唔係架；好似我去飲杯野，食個fish & chips咁，香港埋單都要百幾蚊la，呢度都係差唔多姐...不過shopping另計...

呢幾日都好hae...放假係咁...一hae個人就會諗好多無謂野...

仲記得開始呢度既時候，當然係為左記低去歐洲既片段....岩岩返HK個陣都有諗過唔再寫落去，不過當你有好多野想表達既時候，又冇人同你share喎，咁最好既就梗係share in the Internet啦...

所以呢，以前就真係好想多d人睇，愈多人睇愈好，咁寫得野就希望有人睇架嘛...

不過當d野愈來愈personal既時候...咁就會唔係咁想俾人知道...

一個人既時候都冇咩所謂，影響有限...

又不過呢，依家又好怕咁坦白...怕影響到人，怕gossip，怕麻煩，怕解釋...

尤其係人人google你個msn個陣就會彈個blog出黎，呢下真係有辣有唔辣...

不過最重要既係，呢度唔再能夠令自己唱所欲言...如果只能夠畏首畏尾...阿諛奉承...咁就冇咩意思...

所以呢，呢一篇之後，呢度就完成佢既任務...

如果Internet係forever既話...而google又係forever既話，咁呢度會永遠記低我係MAY 06 – AUG 08 所發過既up瘋...得閒會黎懷愐一下...

最遺憾既係未能完成上次歐洲既遊歷...

估唔到會係咁短時間之內會再去london...好多野都真係估唔到...

end here...on the plane from LHR to HKG...

* * *

路...一直都在...keep walking...

665 Posts, last published on Aug 6, 2008